Masalmo 49:7 - Bhiblia Yo Sawuleka

⁷ Ku walo ni wammweyo wawe a sikotako kutirula mwanawe, mwendo kuningela txo ti tirula ngu txona ka Txizimu.

Masalmo 49:7 Referans Kwoze

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Matewu 25:9

Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

1 Pedro 1:18

Ma tiziva ti to mi tirutwe ka mahanyelo o mbi vhuna txilo, aawa mi nga ma mana ka vatate vanu; mi tirutwe na i si nga ngu simaha si si sinako, kufana ni silivhela mwendo nzalama;

1 Timoti 2:6

a nga ti ningela kasi kutirula votshe vathu. Awuwa ngu wona wufakazi wu wu nga vekwa ka masiku awa ma fanelako,

Esteri 5:11

Se Hamani a to va xawutela wudhumo wa tithomba takwe, ni kutala ka vanana vakwe, ni totshe tile mfumeli a ngadi mkulisile ka tona, ni tile a nga ti m'guletisile tona txitimwi ka vathangeli, ni ka sithumi sa mfumeli.

Mavingu 18:11

Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.

Jeremiya 9:22

Womba! Mkoma a khene: Sirumbi sa vathu si nawa nga sinoniso mu thembweni ni ku nga milumbi ya mueluli, kha nga ho wa kurolela.

Hoseya 12:9

Aniko ani ngani Mkoma, Txizimu txako, kukhukhela ditikoni ka Egipta; ani ni ngadi ni txi na ku zumbisa matendani, kufana ni masiku a mitshangano ya kudikha.

Marku 8:37

Se m'thu a na humisa txani kasi kutekisa moya wakwe kani?