Masalmo 49:3 - Bhiblia Yo Sawuleka

³ Ni lava kuwomba mapswi a wuzivi, ni txi mi gela mapimo angu a kutshima ngutu.

Masalmo 49:3 Referans Kwoze

Masalmo 19:14

Mapswi a txisofu txangu, ni mipimiso ya mbilu yangu ma na amukeleke masoni kwako Mkoma, awe dirigwi dangu ni mtxhatxhisi wangu.

Matewu 12:35

M'thu wamnene a humisa sa sinene ngu ka thomba yakwe ya yinene; kasi m'thu wa tshofu, a humisa sobiha ngu ka thomba yakwe yo biha.

Mavingu 22:17

Riya nzeve u engisa mapswi a titxhari, mbilu yako yi na londise wuzivi wangu.

Masalmo 45:1

Mbilu yangu yi tate ngu mapswi o tshura ngutu; ni na thula ndando yangu ya ku embeleta mfumeli wa ditiko! Lidimi langu i peniselo ya m'bhali wo txhariha.

Masalmo 37:30

Txisofu txa m'thu wo lulama txi womba mapswi a wutxhari; lidimi lakwe li womba mapimo amanene.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Jobe 33:33

I si nga eto, awe ni engisele; malala, ni na kugondisa wutxhari.

Jobe 33:3

Ditshuri dangu di na huma kuthembekani ka mbilu yangu; ni wuzivi wo hetiseka ngu mkanani kwangu.

Dhewuteronome 32:2

Gondo yangu yi na date nga mati a nzuma, dipswi dangu di na txhike kufana ni mwando, kufana ni dipswhi di tshutshako txitimwi ka diphunde do nakana, kufana ni txyandela txitimwi ka mwasi wo nyuka.

Masalmo 104:34

Ndando yangu yi na tsakise Mkoma, nguko ani ni tsakela ene.

Masalmo 4:3

Ti ziveni taku Mkoma wa maha sidiwukiso ka wule a mrandako, Mkoma wa ni engisa, ngako ni txi kwangula masoni kwakwe.