Masalmo 49:18 - Bhiblia Yo Sawuleka

¹⁸ Hambi a sa nga va ni kupwata txilo kuhanyani kwakwe ha mafuni. Hambi vathu va txi kudhumisa ngu mhaka ya tithomba tako,

Masalmo 49:18 Referans Kwoze

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Dhewuteronome 29:19

Kambe ku nga thuke ku txi maneka m'thu waku, ngako a di engisile mapswi a txixambanyo txiya, a txi ti dhumisa mbiluni kwakwe, a txi khene: “Ni na va ni kudikha, hambi ni txi ti ningetetela ka ta walo, madingano ni kuranda ka mbilu yangu, nguko kutala ka mati ku na thavisa ditora.”

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Hoseya 12:8

Se Efrayime a khene: Hambiketo, ani na ti fumisa, kambe na ti manela tithomba ta hombe; Ka yotshe mithumo yangu, kha va na mbi mana wubihi ni wawumwewo, i ku txionho.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

1 Samuwele 25:6

Se mi na ya khanu ka m'thu wule wo humelela: Kudikha ku nave ni nawe, ni nyumba yako yi nave ni kudikha, ni sotshe si wu ku naso si nave ni kudikha.

Jobe 3:15

mwendo ni vathangeli vale va nga ti ti ni nzalama, va nga ti ti hiketa tinyumba tawe ngu silivhela.

Ekleziyaste 5:14

Nguko tona tithomba eto, ti mwalala ngu dikhombo dokari; se ngako a di ni mwanana, kha ku sali txilo manzani kwakwe.