Masalmo 48:9 - Bhiblia Yo Sawuleka

⁹ Nyumbani kwako, awe Txizimu, ka wunene wako hagari ka dithepele dako.

Masalmo 48:9 Referans Kwoze

Masalmo 26:3

Lirando lako ni nalo masoni kwangu yotshe mbimo, ni hanya ngu kuthembeka masoni kwako.

Masalmo 40:10

Kha na sisa mbiluni kwangu sithembiso sako; yotshe mbimo na nuwela kuthembeka kwako ni kuhanyisa kwako. Kha na sisela vathu vako, lirando lako ni kuthembeka kwako!

Ndando ya Tindando 1:4

Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Masalmo 104:34

Ndando yangu yi na tsakise Mkoma, nguko ani ni tsakela ene.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

1 Vafumeli 10:6

A to khene ka mfumeli: I ti ditshuri dipswi di ni nga dipfa ditikoni kwangu, ngu mhaka yako ni wutxhari wako.

1 Vafumeli 10:7

Se ani ni si ma kholwi mapswi ale, niza ni txita, se maso angu ma ti woni; wona ku kha va siyeta ku ni gela ka kona; u pindisile ngutu ngu wutxhari ni tithomba ka nduma yile ni nga yipfa.

Masalmo 87:5

Vathu, va txi womba-womba ngu Jerusalema, va na kha vona: “Votshe vathu va veleketwe koneyo; kambe ngene Nyatxitimwi a tsanisako toneto.”

Jeremiya 31:40

Se wotshe mkova wo tshotshela ka wona sirumbi ni dikhuma, ni kotshe tithembweni kala ka txinambwana txa Kedroni, kala ka dikhona da Ditimba da Mahantxhi kuya wutxani, si na sawulekiselwa Mkoma, kha si na mbi dulwa, hambi kukhundumuselwa kambe, kala kupinduka.