Masalmo 48:4 - Bhiblia Yo Sawuleka

⁴ Vafumeli va pfananile, se votshe ve lwisa didhoropa.

Masalmo 48:4 Referans Kwoze

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Isaya 10:8

Nguko a khene: Vathangeli vangu votshe hi nga vafumeli kani?

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

2 Vafumeli 6:11

Sekoko mbilu ya mfumeli wa Siriya yi to karateka ngu mhaka yiya, se e dhana sithumi sakwe a txi si wotisa ku khene: Eko i ngave mani wa ka kwathu a emako ni mfumeli wa ka Israyeli kani?

Isaya 14:32

Ku na xamulwa txani koko ka mitumi ya vathu kani? Va na kha vona: Mkoma a akile makhato a Siyoni, kasi ku vathu vakwe, vale va xanisekako ve mana wuthavelo.

Isaya 26:1

Ka ditshiku dile, ku na embelelwa ndando ditikoni ka Judha: Hi ni didhoropa do tsana, adi Txizimu txi nga veka ka dona kuhuluka ngu maguma ni tibhingo.