Masalmo 48:2 - Bhiblia Yo Sawuleka

² Siyoni, mmango wo tshura ngutu kupinda yotshe mimango, litsako la mafu otshe, ngu wona mmango wa ditshuri wa Txizimu.

Masalmo 48:2 Referans Kwoze

Masalmo 50:2

Txizimu txa woninga kukhukhela Siyoni, didhoropa da kutshura ko hetiseka.

Matewu 5:35

Mi nga xambanyeni ngu mafu, nguko njikhigetelo txa mikondo yakwe. Mi nga xambanyeni ngu Jerusalema, nguko ndidhoropa da mfumeli wa hombe.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Vahebheru 12:22

Aniko, anu mi tshuketete ka mmango wa Siyoni, didhoropani ka Txizimu txi txi hanyako, Jerusalema wa nzumani, ka tingelozi ta mazana ni mazana, ati ti ku hagari ka msaho.

Isaya 14:13

Nguko u ti ti khawe mbiluni kwako: Ni na kwela ni txiya nzumani, na guleta txikhalo txangu txa wukoma, txitimwi ka tinyeleti ta Txizimu.

Dhaniyeli 11:16

Sekoko awule a nota ku ta mu wukela a na maha madingano ni kuranda kwakwe, kha ku na wu a no ema masoni kwakwe; se a na maneka ka ditiko do dhundeka, a na lovisa ngu dianza dakwe.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.

Malakiya 1:14

Sekoko a na rukwe mkanganyisi wule waku, a di ni txihari ka mtxhambi wakwe, wa thembisa, kambe e ningela ka Mkoma tximaha txo soleka; nguko ani ngani Mfumeli wa hombe, kuwomba Mkoma wa Mabutho a Tiyimbi, ditina dangu di na maha do thisa hagari ka matiko.

Dhaniyeli 8:9

Se ka limwelo la tona ku to mila txitxhehwana, txi kula ngutu, txi rendekela wulambwe, ni wutxani, ni ditikoni ko tshura.

Isaya 66:10

Tsakani ngutu ni Jerusalema, mi tsaka ngu ngene, anu motshenu mi mrandako; talani ngu ku mtsakela, anu motshenu mi nga m'dilela.

Malakiya 3:12

Se otshe matiko ma na womba ku mi katekile, nguko anu mi na va ditiko do tsakisa, kuwomba Mkoma wa Mabutho a Tiyimbi.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Masalmo 76:2

Nyumba ya txona ya wukhongeli yi maneka Jerusalema; m'ti wa txona wu mmangoni ka Siyoni.

Masalmo 87:3

Awe didhoropa da Txizimu, ta tsakisa ngutu ati Txizimu txi wombawombako, na txi txi dhumisa awe:

Masalmo 99:9

Dhumisani Mkoma, Txizimu txathu; mu khizameleni mmangoni kwakwe ko sawuleka! Nguko Mkoma, Txizimu txathu, a sawulekile!

Masalmo 135:21

A na bongwe Mkoma kukhukhela Siyoni, awu a zumbako Jerusalema! Dhumisani Mkoma.

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Dhaniyeli 11:45

A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.