Masalmo 48:11 - Bhiblia Yo Sawuleka

¹¹ Wu na tsake mmango wa Siyoni! Ma na tsake madhoropa a Judha, nguko kulamula kwako Mkoma ngo lulama!

Masalmo 48:11 Referans Kwoze

Masalmo 97:8

Vathu va Siyoni va ti engisile ve tsaka; madhoropa a Judha ma nengela, nguko u nga lamula ngu kululama, awe Mkoma.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Luka 23:28

Jesu a to tshembereka a txi va wonetela, a txi khene: “Anu vanana vamahorana va Jerusalema, mi nga ni dileleni; ti dileleni anu mipune ni vanana vanu,

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Ndando ya Tindando 5:16

Ka tsakisa kuwombawomba kwakwe ka kunene; ina, ene wa navetisa ngutu. Txirandwa txangu txi zumbisileto, kambe ngu toneto mngana wangu, Anu vanana vamahorana a Jerusalema,

Ndando ya Tindando 3:5

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni hambi kuvhumukisa lirando langu, kala kuza li ti lava li pune.

Ndando ya Tindando 2:7

Anu vanana vamahorana a Jerusalema, na mi xambanyela ngu timhoti ni timbavala ta txitinga, ti to mi nga wuseni lirando langu, kala kuza li ti lava.

Ndando ya Tindando 1:5

Ani ni wa mtima, kambe ni tshurile, o anu mahorana a Jerusalema, ni fana ni matenda a Mikedhari, ni mijiyo ya nyumbani ka Solomoni.

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.