Masalmo 46:8 - Bhiblia Yo Sawuleka

⁸ Ngonani, wonani mithumo ya Mkoma; i ku simaha so xamalisa a nga si maha ha mafuni.

Masalmo 46:8 Referans Kwoze

Masalmo 66:5

Ngonani mi ta wona mithumo ya Txizimu, sidiwukiso si txona txi nga si maha masoni ka vathu.

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 61:4

Se va na aketa makhalo ale ma nga xaselwa, kambe va na wuseta ni ale ma nga haxulwa kale, ni kuwusa madhoropa ale ma nga xaselwa, ma nga khundumuswa ka liveleko ni liveleko.

Eksodha 12:30

Faro a to wuka ni wusiku, ni otshe mahalamu akwe, ni ditiko dotshe da Egipta; ku to pfala tihuwa ta hombe ta txidilo Egipta kotshe, nguko ku ti si nga ho nyumbani mu ku nga ti si nga ni txirumbi.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Mitengo 23:23

Nguko kha wu ngaho wurindi wo wukela Jakobe. Hambi wuñanga wo dingana kuwukela Israyeli. Yata mbimo yi ku no wombwa ngu Jakobe ni Israyeli ngu txikhati txa kona. Njitxani txi nga mbi mahwa ngu Txizimu!

Eksodha 10:7

Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

Masalmo 59:10

Txizimu, txi txi ni randako, txi nata kwangu, txi txi ni ninga kuwona kuxulwa ka valala vangu.

Masalmo 146:5

A katekile wule Txizimu txa Jakobe i ku m'vhuni wakwe, awule themba yakwe yi ku ka Mkoma, Txizimu txakwe,

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.