Masalmo 46:5 - Bhiblia Yo Sawuleka

⁵ Txizimu txi hagari ka dona, vathu va dona kha va na kurereka; Txizimu txi na vindukela ku va vhuna ni mixo.

Masalmo 46:5 Referans Kwoze

Zakariya 2:5

Se ani, kuwomba Mkoma kwakwe, ni na va diguma da mndilo do mranganyeta, se ani nipune ni na va wudhumo hagari kwakwe.

Joyeli 2:27

Se anu mi na tiziva ti to ani niho hagari ka Israyeli, ni ti to ani ngani Mkoma, Txizimu txanu, kha ku na mmwani kambe; ni vathu vangu kha va na mbi theleka tingana yotshe mbimo.

Zefaniya 3:15

Mkoma a thavisile kulamulwa kwako, a lovisile valala vako; Mkoma, Mfumeli wa Israyeli a hagari kwako; awe khu na mbiswa u txi wona kambe wubihi ni wawumwewo.

Ezekhiyele 43:7

a txi ta khene kwangu: Awe mwanana wa m'thu, awuwa mbukhalo wangu wa wukoma, aho mikondo yangu yi kandako kona, ni na zumba kona hagari ka vanana va ka Israyeli kala kupinduka; kambe va nyumba ya ka Israyeli, kha va na mbi ngadi ve nyenyezisa ditina dangu do sawuleka, vona, hambi vafumeli vawe, ni wugelegele wawe, ni sirumbi sa vafumeli vawe, siluveloni kwawe.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Masalmo 112:6

ene i ku wo thembeka, kha na mbi wa hahatshi a na zumba a txi alakanywa yotshe mbimo.

Matewu 18:20

Ina, nguko ahawa va nga tshangana vambidi mwendo vararu, ngu ditina dangu, ani ni ho hagari kwawe.”

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Ezekhiyele 43:9

Kona kuwa, va na tshotshe kule ni nani, wugelegele wawe ni sirumbi sa vafumeli vawe, se ni na zumba hagari kwawe, ngu ha ku si gwitiko.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.

Dhewuteronome 23:14

Nguko Mkoma, Txizimu txako, a tsimbilela hagari ka wugovelo wako, kasi ku kutxhatxhisa ni kuningela valala vako manzani kwako; ngu kumaha keto, wugovelo wako wu na va wo sawuleka, kasi ku asi ku tshuraleli, ngako a txi wona to biha kwako.

Masalmo 37:40

Mkoma wa va vhuna ni ku va hulukisa; ene wa va vhikela ka vabihi, a txi va hanyisa, nguko vona va themba ene.

Hoseya 11:9

Na mbi londetela ta kupanda ka kuhenya kwangu; kha ni na mbi wuya ku ta hoxota Efrayime, nguko ani ni Txizimu, kha ni nga m'thu, Msawuleki hagari kwako; ani kha ni na mbi wulela didhoropani.

Masalmo 30:5

Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Luka 18:8

Na mi gela ti to Txizimu txi na kuluveta ku va lamulela. Kambe mbimo yi a no wuya Mwanana wa M'thu, ina a nata mana likholo ha mafuni, kani?”

Masalmo 143:8

Ni ninge kupfa wumbilu wako ni mixo, nguko ani ni themba awe. Ni kombe nzila yi ni fanelako kutsimbila ngu yona; nguko ni guleta moya wangu kwako.

Masalmo 125:1

Avale va thembako Mkoma va na nga mmango wa Siyoni, wu si dekadekiko, wu tsani kala kupinduka.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

Mtuletelo 2:1

Ka ngelozi ya Dibanza da Efesu, bhala u txi khawa: A womba tiya awule a nga ñola mtxhanu wa tinyeleti ni timbidi ka dianza dakwe da txinene, awule a tsimbilako hagari ka sipande sa mtxhanu ni simbidi sa nzalama.

Eksodha 14:27

Sekoko Mosi a to nawuluta dianza dakwe txitimwi ka linene, kutxani ka kona ni mixo, lona li to wuya ha wukhaloni ka lona. Vaegipta, mbimo yi va nga ti thava, va to tshangana ni mati. Mkoma a to bhwabhwamelisa Vaegipta hagari ka linene.

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Ezekhiyele 47:1

Msana keto, a to ni wuyiswa ka txike txo wulela ngu txona nyumbani, se ku ti ti huma mati ngu hahatshi ka msasimo wa nyumba, ngu wutxani; nguko masoni ka nyumba ku ti ti rendekete wutxani, mati ma ti ti ta ngu hahatshi, kukhukhela ka didhawa da txinene ka nyumba, ni didhawa da wuphemba kala txiluveloni.