Masalmo 46:10 - Bhiblia Yo Sawuleka

¹⁰ “Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

Masalmo 46:10 Referans Kwoze

Masalmo 100:3

Ti ziveni ti to Mkoma ngene Txizimu txathu; ngene a nga hi va nga, athu hi lumba ene; athu hi vathu vakwe ni mtxhambi wakwe!

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Ezekhiyele 38:23

Ngu kumaha keto, ni na ti kulisa, ni txi ti sawulekisa, ni na ti zivanekisa masoni ka matiko amangi; se va na tiziva taku ani ngani Mkoma.

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Masalmo 57:5

Awe Txizimu, kombisa wuhombe wako nzumani wudhumo wako wu na fenengete dotshe ditiko!

1 Makronika 29:11

Wudhumo ni mtamo, ni nduma, ni kuxula ni wuhombe, nzako Mkoma; nguko sotshe si si ku nzumani ni ha mafuni nzako, mfumo mbwako Mkoma, kambe awe u ti guletile txitimwi ka votshe, kuva mthangeli.

Masalmo 21:13

Komba mtamo wako, Mkoma, hi na embelela, hi txi dhumisa mtamo wako.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

2 Vafumeli 19:12

Ina ma nga va ma di txhatxhisilwe ngu sizimu sa mifumo yile yi nga fuviswa, i ku madhoropa a Gozani, Harani ni Rasefi, ni ka vanana va Edheni, va nga txi zumba Telasari kani?

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Joxuwa 11:9

Se Joxuwa a mahile nga ti Mkoma a nga m'gelisa tona; a to wilela misiha ya mahantxhi awe, e hisetela ni sikotxikani sawe kambe.

1 Samuwele 2:4

Wulaho wa tindena wu funyilwe, ni vale va nga ti wisilwe va tsanisilwe ngu mtamo.

2 Vafumeli 6:23

Se a to va mahela m'buso wa hombe, va to dya ve sela, va txi va txhatxha ve tsula ka nyamne wawe; kha ka wulela kambe masotxhwa a Vasiriya ditikoni ka Israyeli.

Masalmo 37:15

Kambe ditxhari dawe di na va thola mbilu yawe vapune se wulaho wawe wu na komolelwa.

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Jeremiya 49:35

Mkoma wa Mabutho a Tiyimbi a khene: Wonani ti taku ni na funya wulaho wa Elame, i ku makhato a mtamo wakwe.

Ezekhiyele 30:8

Se va na tiziva taku ani ngani Mkoma, aha ni no hisa Egipta ngu mndilo, va txi fuviswa votshe vale va nga ti ti m'vhunetela.

Ezekhiyele 39:3

Kambe ni na thavisa wulaho ka dianza dako da txibhabha, ni wisa tingove ti ku ka dianza dako da txinene.

Mika 4:3

Se txi na lamula vathu vavangi, kambe txi na tsayisa matiko a mtamo, kala ni ale a kule, txi na hundulusa matxhari awe me maha misuka, ni tingove tawe ti maha masikela; ditiko dimwedo kha di na mbi guleta ditxhari do lwisa dimwani ditiko; se kha va na mbi gonda kambe kulwa yimbi.