Masalmo 45:8 - Bhiblia Yo Sawuleka

⁸ Syambalo sako sa bhumula mira, alowesi ni kasiya. Va kutsakisa ngu tindando to tshambiselwa ngu txitende! Tinyumbani ko tshuriselwa ngu makwasa a tinzofu!

Masalmo 45:8 Referans Kwoze

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Johani 19:39

Nikodhemo nene, awule kukhatani a nganga ya ni wusiku a txi ya womba-womba ni Jesu, a tile nene ni mira yi nga ti patanisilwe kumweko ni aloesi, asi si nga ti ni mpimo wa mtxhanu wa magumi a makilu.

Ndando ya Tindando 4:6

Ni na tsula mmangoni ka mira, ni tximangwanani ka dibaselo, kusanzi kutitila, ni mitsudi yi sanzi kumwalala.

Matewu 2:11

Se va di wulete nyumbani, va mani mwanana ni mame wakwe Mariya, se va to khizama, ve mu khozela; va di tute mikwama yawe va to mluva ngu nzalama ni dibaselo ni mira.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 14:2

Mtini ka Tata ku ni makhalo amangi. Idiku i si nga toneto, nga ni di mi gete. Na tsula kuya mi lulamisela wukhalo.

Amosi 3:15

Ni na hoxota nyumba ya mbimo ya malanga ni nyumba ya mbimo ya wuxika; se tinyumba to tshuriswa ngu makwasa a tinzofu ti na lova, tinyumba ta hombe ti nava ni magwito, kuwomba Mkoma.

Ndando ya Tindando 5:13

Mathama akwe ma fana ni ndima ya mipepo, kufana ni simangwana sa mwasi wo nungela; txisofu txakwe txi fanana ni makhoñwa di di dotako mafura a mira.

Ndando ya Tindando 5:5

Se ni to wuka, ni ya tulela txirandwa txangu ku to nyuka mafura a mira manzani kwangu, ma txi thothoketa ngu titihoni kwangu, me nakanisa sikhweketo sa ditimba.

Ndando ya Tindando 3:6

I mani wu a kwelelako ngu txiwulani, kufana ni tiphande ta wutshi, a bhumulako mira ni dibaselo, ni tixaka ta totshe tipowa to bhumula kani?

Ndando ya Tindando 1:13

Txirandwa txangu, kwangu txi fanana ni sidhavyana sa mira; txi na zumba hagari ka titshumbu tangu.

Masalmo 150:4

M'dhumiseni ngu tingoma ni kusinya; m'dhumiseni ngu sivetaveta sa tingoti ni misengele!

1 Vafumeli 22:39

Kasi ngu kutala ka mithumo ya Akabe, ni totshe ti a nga maha, ni nyumba yile a nga yi aka ngu makwasa a tinzofu, ni otshe madhoropa a nga aka, ina mwendo kha ta bhalwa ka dibhuku da matimu a vafumeli va ka Israyeli kani?

Masalmo 45:15

Va tsimbila va di tsakile ngutu ve wulela nyumbani ka wukoma va txi nengela.

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.