Masalmo 45:7 - Bhiblia Yo Sawuleka

⁷ Awe u fanete kuranda kululama, u txi nyenya wubihi; ngu mhaka yeto, Txizimu, Txizimu txako, txi ku sawulete toneto hagari ka majaha kuloni txi kusawulekisa ngu mafura kasi ku kumaha mfumeli.

Masalmo 45:7 Referans Kwoze

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Masalmo 21:6

U mningile makatekwa o mbi na magwito; u mninga kuhanya masoni kwako a di tate ngu litsako.

Masalmo 33:5

Mkoma yotshe mbimo a lava kululama ni ditshuri; lirando lakwe la tata ditiko dotshe!

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Mithumo 2:28

Awe u ni ningile kuziva tinzila ta wutomi, u na ni khurisa ngu litsako masoni kwako.’ ”

Johani 3:34

Awu a nga rumwa ngu Txizimu a womba-womba mapswi a Txizimu, nguko ngu txona txi nga mninga Moya i si nga ngu mpimo.

Masalmo 101:8

Ditshiku ni ditshiku ni na lovisa votshe vale va mahako kubiha ha ditikoni; kasi kufuvisa sotshe sigevenga didhoropani ka Mkoma!

Johani 1:16

Kha ditshuri, ngu kutalelwani kwakwe, hotshethu hi amukete kateko ni kateko.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Masalmo 89:26

Ene a na ni dhana, a txi khene: “Awe u tate wangu, u Txizimu txangu, txi txi ni hanyisako ni ku ni vhikela.”

Masalmo 89:20

Ni mani Dhavhidha txithumi txangu; ni mmahile mfumeli ngu ku mtota mafura o sawuleka.

Masalmo 11:7

Kha ditshuri, Mkoma a lulamile, kambe a randa kululama. Vathu vo lulama va na ya wona khohe yakwe.

Luka 3:22

Se Moya wo Sawuleka wu to txhika txitimwi kwakwe ngu txifaniso txa txituvane. Se dipswi da kuta ngu nzumani di to pfala, di txi kha dona: “Awe u Mwanana wangu wo randeka ngutu; ni vekile kwako kotshe kutsaka kwangu.”

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Masalmo 2:2

Vafumeli va mafu va wukile, vakoma va maha txikungo hagari kwawe txa kuwukela Mkoma Txizimu, ni kuwukela Mkoma wule txona txi nga msawula.

1 Vafumeli 19:16

Kambe u na tota Jehu, mwana Ninisi, kuva mfumeli wa Israyeli, ni Elixa, mwana Safati, wa Abheli-Meyola, u na mtota kuva mprofeti, ka wukhalo wako.

Levhi 8:12

Msana keto, a to thela mtona ha msungo ka Aroni, e maneka a di katekisilwe masoni ka Txizimu.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

Vahebheru 2:14

Ngu toneto, ngako vanana i ku mnoha wumwewo, ni nyama yimweyo, nene mbwa mtumbuluko wumwewo navo, kasiku e lovisa ngu lifo lakwe awu a fumako lifo, i ku ene Sathani.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Luka 13:27

Ene a na mi xamula a txi khene: ‘Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.’

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

1 Samuwele 16:13

Sekoko Samuwele a to teka litxheho la mafura, e mu tota hagari ka vanawe; se kukhukhela ka donedo ditshiku ni kuya masoni, Moya wa Mkoma wu to wulela ka Dhavhidha. Sekoko Samuwele a to khukha e tshumela e tsula Rama.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.