Masalmo 45:6 - Bhiblia Yo Sawuleka

⁶ Txikhalo txako txa wukoma txi fanana ni txikhalo txa Txizimu txi txi hanyako kala kupinduka, wukoma wako wu na va mfumo wa kululama.

Masalmo 45:6 Referans Kwoze

Masalmo 93:2

Mkoma, txikhalo txako txa wukoma, txi tsani kukhukhela makhatoni, nguko awe waho kala kupinduka!

Johani 1:1

Kukhatani ku ti ni Dipswi; Dipswi di ti ni Txizimu, Dipswi i ti Txizimu.

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Masalmo 145:13

Mfumo wako mfumo wa kala kupinduka; kufuma kwako kuhoka ka totshe tiveleko.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Masalmo 89:29

Ni na maha ti to lihunzu lakwe li simama kala kupinduka, li txi fuma ngu malembe ni malembe kufana ni nzuma.

Masalmo 98:9

masoni ka Mkoma, a tako ku ta lamula ditiko, ku ta lamula ditiko ngu kululama, a txi lamula vathu ngu fanelo.

2 Samuwele 23:4

Se a na fana ni kuwonekela ka mixo, ngako di txi huma ditambo ni mixo ko pwata marefu, ngu kuwoninga ka dona, msana ka kuva ma di wite mati, kumilisa mwasi wa mafu.

Mitengo 24:8

Txizimu txi mthavisile Egipta; mtamo wakwe wu fana ni wa nyari; a na heta matiko a valala vakwe, kambe a na funya marambu awe, a txi va thola ngu miseve yakwe.

Dhewuteronome 32:42

Ni na levisa tingove tangu ngu mnoha, ni ditxhari dangu di na khura ngu nyama; ngu mnoha wa vale va nga dawa, ni wa vo ñolwa, kukhukhela ha msungo, ku nava ni kuphota, ka valala.