Masalmo 44:5 - Bhiblia Yo Sawuleka

⁵ Hi xula valala vathu ngu mtamo wako, ngu ditina dako ha ganyatela vaxanisi vathu.

Masalmo 44:5 Referans Kwoze

Masalmo 108:13

Ngu kuvhunwa ngu Txizimu hi na xula; txona txi na ganyatela ngu mikondo valala vathu.

Masalmo 60:12

Ngu kuvhunwa ngu Txizimu hi na mana kuxula; nguko ngu txona txi no ganyatela valala vathu.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Dhaniyeli 8:4

Ni to wona ti to hamba yi dhinela kukomba mswa-ditambo, ni wuphemba, ni wulambwe; kambe ku si na txihari ni txa tximwetxo txo tshuketa hafuhi ka yona, hambi m'thu wo dingana kuhuluka ka hamba; yona yi ti maha madingano ni kuranda ka yona, kambe yi ti ti kulisa.

Masalmo 91:13

U na kandetela ngonyamo ni mnyoka; ni kukandetela ngu mikondo txingonyamwana ni mnyoka.

Varoma 16:20

Txizimu txa kudikha txi na kuluvete kuganyatela Sathani hahatshi ka mikondo yanu. Makatekwa a Mkoma wathu Jesu Kristu ma nave ni nanu.

1 Vafumeli 22:11

Se Zedhekiya, mwana Kenahani, a to ti mahela titxheho ta simbi, a txi khene ka Akabe: Mkoma Txizimu a khene: U na dayela Vasiro ngu tona txitheho tiya, uza u va heta.

Masalmo 5:3

Ni mixo, Mkoma, engisa dipswi dangu, neti di txi txa ditambo ni veka masoni kwako txikombelo txangu ni txi rinzela xamulo yako.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.