Masalmo 44:4 - Bhiblia Yo Sawuleka

⁴ Txizimu, awe ngawe mfumeli wangu! Ninga kuxula ka vathu vako!

Masalmo 44:4 Referans Kwoze

Masalmo 74:12

Txizimu, kukhukhela ka mbimo ya kale u Mkoma wangu; u xute valala sikhati so tala ka diya ditiko.

Masalmo 42:8

Aniko Mkoma a na ni rumela lirando lakwe, di di txite, kasiku ni txi m'dhumisa ngu lindando, di di swite, mkombelo ka Txizimu txi txi ni ningako wutomi.

Marku 9:25

Jesu ngako a txi wona dibutho di txi mu tutumela, a to kawuka moya wa nzambwa a txi khene: “Awe moya wa wuduma ni wa wuphanzeve, na kuruma: Huma, u nga swe u txi wulela kwakwe.”

Masalmo 89:18

Nguko Mkoma m'vhikeli wathu. Kambe Msawuleki wa ka Israyeli, i ku ene Mfumeli wathu!

Marku 1:41

Jesu, ngu kutalelwa ngu wumbilu a to nawuluta diwoko a txi m'gwesa, a txi khene kwakwe: “Na ti lava. Basiswa.”

Marku 1:31

Sekoko ene a to tshuketa a txi mñola ngu diwoko a txi mu wusa; txindeyandeya txi to mu leka, se ene e khata ku va thumela.

Masalmo 149:2

Israyeli a na tsakele Muvangi wakwe; vathu va Siyoni va na tsakele mfumeli wawe!

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Eksodha 15:6

Dianza dako da txinene, awe Mkoma, da ti pfalisa, kambe nda mtamo; da phatulela valala;

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

Joxuwa 24:12

Ni to rumela mifi masoni kwanu, ayile yi nga va tutumisa vona vafumeli vale vavambidi va Vaamori, na i si nga ngu ditxhari danu, hambi wulaho wanu.

Masalmo 111:6

A kombisile ka vathu vakwe mtamo wa mithumo yakwe, ngu kuvaninga thomba ya vamatiko.