Masalmo 44:3 - Bhiblia Yo Sawuleka

³ Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Masalmo 44:3 Referans Kwoze

Joxuwa 24:12

Ni to rumela mifi masoni kwanu, ayile yi nga va tutumisa vona vafumeli vale vavambidi va Vaamori, na i si nga ngu ditxhari danu, hambi wulaho wanu.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Masalmo 77:15

Ngu mtamo wako u ponisile vathu vako, i ku liveleko la Jakobe ni la Josefa.

Masalmo 20:6

Se na tiziva ti to Mkoma a na ninga kuxula ka mfumeli wu a nga msawula; ene wa mu angula a di nzumani kwakwe ko sawuleka, a txi mninga kuxula valala ngu mtamo wakwe.

Dhewuteronome 10:15

Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Masalmo 74:11

Ngu kutxani u txi sisa dianza dako da mtamo kani? Ngu kutxani u txi khutarela mawoko ako kani?

Masalmo 17:7

Komba kuxamalisa ka lirando lako, awe u hulukisako vale va thavelako mtamoni kwako.

Masalmo 4:6

Vavangi va womba va txi kha vona: “I mani a no hi ninga makatekwa kani?” Mkoma hi woninge ngu liwoningo la khohe yako!

Mitengo 14:8

Ku ngako Mkoma a txi tsaka ngu ngathu, Ene a na hi maha hi wulela ka ditiko a nga hi ninga, i ku ditiko di khulungako masi ni wulombe.

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?

Masalmo 80:16

Avale va nga ganga mndonga wuwa, va txi wu hisa, va fuvise ngu kuhenya kwako.

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

2 Samuwele 7:23

I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani?

2 Makronika 20:7

Awe Txizimu txathu hi nga awe u nga tutumisa vahanyi va ditiko diya masoni ka vathu vako va ka Israyeli, u di ningela ka vanana va Abrahamu mngana wako kani?

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

Masalmo 80:9

U wu lulamisete mafu, se wona wu mite mikoloti, wu txi na va, wu eneta dotshe ditiko.

Masalmo 111:6

A kombisile ka vathu vakwe mtamo wa mithumo yakwe, ngu kuvaninga thomba ya vamatiko.