Masalmo 44:23 - Bhiblia Yo Sawuleka

²³ Vhumuka! Ngu kutxani u otelako kani Mkoma? Wuka! U nga hi leke kala kupinduka!

Masalmo 44:23 Referans Kwoze

Masalmo 78:65

Sekoko Mkoma a to wuka, ku nga o vhumuka ngu ha wukoheni, ku nga ndena yi nga ambuluka kulevani ka vhinya.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

Masalmo 74:1

Txizimu, ngu kutxani u nga hi tshotsha ka yotshe mbimo kani? Ngu kutxani u hi henyela athu hi ku mtxhambi wa tinvuta ati awe u ku m'dyisi wa tona kani?

Masalmo 35:23

Vhumuka u wuka uya kulamulwani kwangu, kasi kuya ni emela, Txizimu txangu ni Mkoma wangu!

Marku 4:38

Jesu a ti txihondoni ka msana ka ngalava a di otete ha txikhigeloni. Se vona ve mu wusa va txi kha vona kwakwe: “M'gondisi, khu khatali ngu ngathu ngako hi txi lova kani?”

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Masalmo 88:14

Ngu kutxani u txi ni nyenya, Mkoma, u txi ni sisela khohe yako kani?

Masalmo 77:7

“Mkoma a nga va a txi hi tsukula do gwita kani? Kha na mbiswa e hi themba kambe kani?

Masalmo 44:9

Kambe konkuwa, u hi lekile, u hi thete tingana; se khuswi u txi pangalata mabutho athu a tiyimbi.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”