Masalmo 44:2 - Bhiblia Yo Sawuleka

² Awe u tutumisile vathu va timwani tixaka u akisa ditikoni kwawe vathu vako; u tsayisile yimwani mifumo u kulisile vathu vako.

Masalmo 44:2 Referans Kwoze

Eksodha 15:17

Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

Masalmo 78:55

Txi tutumisile vamatiko masoni ka Vaisrayeli, txi abanisela thomba yawe ka vathu va txona txi akisa tihunzu ta ka Israyeli matendani kwawe.

2 Samuwele 7:10

Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale,

Joxuwa 21:43

Ti di ngeto, Mkoma a ningete ka vanana va ka Israyeli ditiko dotshe dile a nga thembisa ngu kuxambanya, ti to a na di ningela ka vatate vawe. Va to di amukela ve zumba ka dona.

Joxuwa 11:23

Ngu kumaha keto, Joxuwa a to teka dotshe ditiko diya, nga tona ti Mkoma a nga ti wombile ka Mosi; se Joxuwa a to di ningela di txi maha thomba ya vanana va ka Israyeli, madingano ni kuabanelana kwawe, ngu tihunzu tawe; se ditiko di to humula yimbi.

Masalmo 105:44

Txi va ningile ditiko di i nga ti da vamwani vathu ve dya mitxelo ya kudimwa ngu vamatiko,

Joxuwa 24:12

Ni to rumela mifi masoni kwanu, ayile yi nga va tutumisa vona vafumeli vale vavambidi va Vaamori, na i si nga ngu ditxhari danu, hambi wulaho wanu.

Joxuwa 10:42

Se votshe vafumeli vava ni matiko awe, Joxuwa a va khozisile ngu mbimo yimweyo, nguko Mkoma, Txizimu txa ka Israyeli, a ti ti lwela Israyeli.

Joxuwa 10:11

Se ku to maheka taku, mbimo yi va nga ti thava masoni ka va ka Israyeli, mkovani ka Bheti-Horoni, Mkoma a to wisa ngu nzumani marigwi a hombe txitimwi kwawe kala kuhoka Azeka, aha va nga mbambamela kona. Mbavangi ngutu avale va ngafa ngu marigwi a maralala kupinda avale va nga dawa ngu matxhari a vanana va ka Israyeli.

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Mitengo 13:32

Konaho va to xawutela kubiha masoni ka vanana va ka Israyeli, ngu ditikodo va nga ya di xola, va txi kha vona: “Ditiko hi ngaya ka dona, ditiko do dayela vaaki va dona; votshe vathu va hi nga va wona mbo lapha ngutu.

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Eksodha 23:28

Ni na rumela kambe mifi masoni kwako, ati to yi txi tutumisa Vahevhi, Vakanana ni Vaheti va txi thava masoni kwako.

Eksodha 15:19

Nguko mbimo yile mahantxhi a Faro, ni sikotxikani sakwe, ni vagadhi va mahantxhi, va nga wulela lineneni, Mkoma a mahile ti to mati ma txi tshangana txitimwi kwawe; na kuve vanana va ka Israyeli va pindile ku di omile hagari ka linene.

Eksodha 10:2

Kambe awe u na xawutela ka vanana vako, ni ka vanana va vanana vako, sidiwukiso si ni nga si maha ditikoni ka Egipta ni sikombiso si ni nga si maha hagari kwawe; kasi mi na ziva ti to ngani Mkoma Txizimu.”

Dhewuteronome 4:38

A tutumisile masoni kwako, vathu va va ku palako ngu wuhombe ni mtamo, kasi ku ku wuleta awe ditikoni kwawe, adi a nga kuninga awe, di txi maha thomba yako, nga ti kala ni nyamsi i ku toneto.

Dhewuteronome 32:7

Alakanya masiku a kale, u txi khumbula malembe a tiveleko ni tiveleko ti nga pinda. Wotisa tate wako a na kuxawutela, wotisa madhota ako ma na kugeletela.

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

2 Samuwele 23:12

Awuwa koko, a to ema hagari ka thembwe yile, e yi lwela, e daya Vafilista; se Mkoma a to mninga kuxula ka hombe.

Isaya 51:9

Vhumuka, vhumuka, ti ambeke mtamo, awe diwoko da Mkoma; vhumuka kufana ni masiku ale ma nga pinda, kufana ni ka tiveleko ta kale; ina hi ngawe u nga wilela Rahabhi ngu sitxuwu, ni kudaya mwamilambo kani?

Jeremiya 32:23

va tota ve ta di khozisa, aniko kha va engisa dipswi dako, hambi kutsimbila ngu mlayo wako; ni totshe ti u nga ti va layile ku ti maha, kha va ti maha; uza u txi va humisela otshe makhombo awa.