Masalmo 44:19 - Bhiblia Yo Sawuleka

¹⁹ Hambiko u nga hi funyeletela ka wukhalo wa dragoni, u hi fengeta ngu mtsudi wa lifo.

Masalmo 44:19 Referans Kwoze

Masalmo 23:4

Hambi ni txo tsimbila mkovani ka mtsudi wa lifo, nga ni si thavi txilo, nguko awe, Mkoma, u ni nani. Nguko ndonga yako ni mtxheketelo wako, sa ni tsanisa.

Jobe 3:5

Di na tshakelwe ngu txidema ni mtsudi wa kufa; ma na zumbe ka dona marefu; di na xamalise ngu kutuvika ka dona ko nzihala!

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Masalmo 51:8

Ni ninge kuengisa mapswi a litsako ni kunengela; ni na tshumela ni tsaka, hambiko u nga funyeletela sihango sangu.

Mtuletelo 16:10

Ngelozi ya wutxhanu yi to theketa digombe da yona txitimwi ka txikhalo txa wukoma txa txikalani. Se mfumo wa txona wu to sala mtemani, vathu ve ti luma tidimi ngu kupandiseka;

Mtuletelo 13:2

Txikalani txi ni nga txi wona txi ti fana ni yingwe, kambe minenge ya txona yi ti fana ni ya txingwingwi; m'dhonvu wa kona wu txi nga didomu da ngonyamo. Mwamilambo a to txi ninga mtamo wakwe, txikhalo txakwe txa wukoma, ni wukoma wa hombe.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Matewu 4:16

vathu va va nga ti zumbile ditikoni ka kuphuma, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.”

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Isaya 27:1

Ka ditshiku dile, Mkoma ngu ditxhari dakwe do banga, da hombe, da mtamo, a tsayisa Levhiyatani, i ku mnyoka wa livilo, Levhiyatani, mnyoka wo gombonyeka, kambe a na daya dragoni a ku lineneni.

Masalmo 38:8

Ni rerekile, ni wite hahatshi ngutu; ni keta ngu mhaka ya kuxaniseka ka mbilu yangu!

Jobe 30:29

Ni ti mahile ndiya ya maxolwa, ni txi ti maha mngana wa timbuwu.

Jobe 23:11

Mikondo yangu yi tsani, ka nzila yile txi nga tsimbila ngu yona; ni vekisile nzila ya txona, kambe kha ni na mbi hambuka ka yona.