Masalmo 44:11 - Bhiblia Yo Sawuleka

¹¹ U hi ningete kufana ni tinvuta to yela kuya dawa; u hi hangalasile hagari ka vathu va mamwani matiko.

Masalmo 44:11 Referans Kwoze

Dhewuteronome 4:27

Mkoma a na mi hangalasa hagari ka vamatiko, se mi na sala mi di va mtengo wa wudotho, hagari ka mifumo yiya, Mkoma a no va a txi mi yisa ka yona.

Varoma 8:36

Nga ti ti nga bhalwa taku: “Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Dhewuteronome 28:64

Se Mkoma a na mi hangalasa hagari ka matiko otshe, kukhukhela magwito ka mafu kala kumwani magwito ka mafu, se koneyo u na ya khozela simwani sizimu, asile awe ni vatate vako mi nga mbi si ziva, so mahwa ngu mapulango ni marigwi.

Ezekhiyele 34:12

Ku nga m'dyisi a lavako mtxhambi wakwe, ka ditshiku dile a ku hagari ka tinvuta takwe tile ti nga hangalaka, ni na mahisa tona eto kulava tinvuta tangu; kambe ni na ti wuyisa ngu ka otshe makhalo ale ti nga hangalaka ka ona, ka ditshiku da marefu ni da txidema.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

Jeremiya 32:37

Wonani, ni na mi tshanganisela ngu matikoni kotshe, ayo ni nga va tutumisela ka ona kuhenyani kwangu ni txiviti txangu ni dikhulo da hombe; ni na tshumela ni va wuyisa ka wukhalo wuwa, ni va maha ve zumbiseka.

Jeremiya 12:3

O Mkoma, awe wa ni ziva, wa ti wona, wa xola mbilu yangu ti taku yi zumbisa kutxani kwako. Va khumule nga tinvuta ti ti yiswako txitshindoni, va longisele ditshiku da kudawa.

Masalmo 106:27

ti to txi na hangalasa vanana vawe hagari ka vamatiko, txi va hangalasa hagari ka mifumo.

Masalmo 60:1

Txizimu, u hi tshuralete, u hi lekile hi hangalaka; hambiko u nga henya, tshumela u hi wusa.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.