Masalmo 44:1 - Bhiblia Yo Sawuleka

¹ Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.

Masalmo 44:1 Referans Kwoze

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

Dhewuteronome 6:20

Ka mbimo yi yi tako, ngako mwanana wako a txi ku wotisa, a txi khene: “Wufakazi, ni milayo ni sileleto, asi Mkoma, Txizimu txathu, a nga mi gela, si womba txani kani?”

Joyeli 1:3

Xawutelani matimu awa ka vanana vanu, se vanana vanu ka vanana vawe, ni vanana vava ka limwani liveleko.

Masalmo 77:5

Na khumbula masiku awa ma nga pinda, na alakanya malembe a kale.

Masalmo 42:1

Kufana ni mhuti yo pfa ditora yi tutumelako mnamboni, nanani na kuxuva, awe Txizimu txangu.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.

Masalmo 22:31

Va nata xawutela wululamo wakwe ka vathu va va no velekwa nguko ngene a nga va va nga.

Masalmo 71:18

Se konkuwa, ni nga kumba ni basa misisi, awe Txizimu, u nga ni leke, nguko ni ngadi ni txi na xawutela ka liveleko liya ni ka va va nota, wukoma wako ni mtamo wako.