Masalmo 43:3 - Bhiblia Yo Sawuleka

³ Ni kombe liwoningo lako ni ditshuri dako, kasiku si ni komba nzila yi yi yisako mmangoni ka Siyoni, wuzumbeloni kwako ko sawuleka.

Masalmo 43:3 Referans Kwoze

Masalmo 36:9

nguko awe u txisima txi txi ningako wutomi. Awe u Ditambo di di hi woningako.

Johani 1:4

Wutomi wu ti ti ka dona. Wutomi i ti ti liwoningo la vathu.

Masalmo 143:10

Ni gondise kumaha kuranda kwako; nguko awe ngawe Txizimu txangu. Moya wako wa wunene wu na ni tsimbitise ka nzila yo lulama!

Masalmo 119:105

Dipswi dako i liwoningo la mikondo yangu, dilambu da nzila yangu.

Masalmo 97:11

Kuwonekela kuwoninga vathu vavanene, ni litsako li rinzela ava va timbilu to lulama.

Masalmo 84:1

Ya tsakisa ngutu nyumba yako yo sawuleka, Mkoma wa Mabutho a Tiyimbi!

Masalmo 40:11

Mkoma, u nga ni lambele lirando lako; lirando lako ni ditshuri dako, si na ni vhikele yotshe mbimo!

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Mika 7:20

Jakobe a na mninga kuthemba, se Abrahamu a na mninga wunene wule a nga xambanya ka vatate vathu, kukhukhela ka masiku a kale.

Masalmo 57:3

Txona txi na rumela txivhuno txa txona ngu nzumani txi txi ni hanyisa ka vale va lavako ku ni fuvisa; Txizimu txi na rumela lirando la txona ni ditshuri da txona.

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Mika 7:8

Awe mlala wangu wa txisikati, u nga tsakele dikhombo dangu; hambi ngako ani ni di wite, ni na wuka; ngako ni txi zumba txidemani, Mkoma a na va liwoningo langu.

Masalmo 78:68

A to sawula lihunzu la ka Judha ni mmango wa Siyoni, awu a wu randako.

Masalmo 46:4

Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

Masalmo 42:4

Moya wangu wa dhudhumela, ngako ni txi alakanya, mbimo yi ni nga ti longoloka ni vale va nga ti ya Nyumbani ka Mkoma va txi peka mikulungwani ya kutsaka ni kubonga, ni kugiringa ka vathu va kutsaka.

Masalmo 2:6

“Ngani ni nga fumisa mfumeli wangu txitimwi ka wukhalo wangu wo sawuleka, mmango wangu wa Siyoni.”

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

1 Makronika 16:39

Se mphaxeli Zadhoki, ni vanawe, vaphaxeli, a to va veka masoni ka Nyumba ya Mkoma, ka wukhalo wo guleka wule wu nga ti Gibheyoni,

2 Samuwele 15:20

U bwakile nyamnova, se ina ni nga kuteka nyamsi u tsula ni nathu kani?

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

2 Samuwele 15:25

Sekoko mfumeli a to khene ka Zadhoki: Tshumeta dibhokiso da Txizimu didhoropani; kambe ni txi na mana mathomo masoni ka Mkoma, a na ni tshumetela eya ni komba dona ni nyumba ya dona.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.