Masalmo 43:2 - Bhiblia Yo Sawuleka

² Awe ngawe Txizimu, mlweli wangu! Ngu kutxani u txi ni rethela kule kani? Ngu kutxani ni zumbako kuxanisekani, ni tsotsorolwa ngu mlala kani?

Masalmo 43:2 Referans Kwoze

Masalmo 42:9

Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Masalmo 28:7

Mkoma ngene m'vhikeli wangu wa mtamo; ni themba ene ekha, ene a ni vhuni, ngu toneto mbilu yangu yi tsakile, se ni na dhumisa ngu kuembelela tindando.

Vaefesu 6:10

Ngu kugwitisa, zumbani mi di tsani ta tinene ka Mkoma, ni ka mtamo wakwe wu si tandwiko ngu txilo.

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Masalmo 94:14

Mkoma kha na mbi tshotsha vathu vakwe; ene kha na mbi tsukula avale i ku vathu vakwe.

Masalmo 44:9

Kambe konkuwa, u hi lekile, u hi thete tingana; se khuswi u txi pangalata mabutho athu a tiyimbi.

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Masalmo 140:7

Awe Mkoma Txizimu, u m'vhikeli wa kuhanyiswa kwangu, awe u tsivete msungo wangu ka ditshiku da kulwa.

Masalmo 77:7

“Mkoma a nga va a txi hi tsukula do gwita kani? Kha na mbiswa e hi themba kambe kani?

Masalmo 71:9

U nga ni tshotshe, kukumbani kwangu; u nga ni leke, ngako ni di gumile mtamo.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Masalmo 31:4

Ni thavise ka mlawu wu va nga ni riyela ngu wona, nguko awe u wuthavelo wangu!

Masalmo 42:10

I mhaka muni ni txi xanisekisa tiya kani? Valala vangu va ni ruketela ditshiku ni ditshiku va ni wotisa va txi kha vona: “Txi hani Txizimu txako kani?”

Masalmo 88:15

Kukhukhela ha wananani kwangu ni hanya ngu kuxaniseka ni kupandiseka; ni txi timisela sikarato so thisa sa kuhenya kwako.