Masalmo 42:9 - Bhiblia Yo Sawuleka

⁹ Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Masalmo 42:9 Referans Kwoze

Masalmo 38:6

Ni dombekile ni tsimbila ni di namile ngutu, ni zumba ni di kupandiseka dotshe ditshiku.

Masalmo 43:2

Awe ngawe Txizimu, mlweli wangu! Ngu kutxani u txi ni rethela kule kani? Ngu kutxani ni zumbako kuxanisekani, ni tsotsorolwa ngu mlala kani?

Masalmo 18:2

Mkoma, dirigwi dangu, ni mkhokhola wangu wo tsana, kambe mtxhatxhisi wangu; Txizimu txangu mkhokhola wangu, buthavelo wu ni thembako wona; njitxhavangu txangu, mtamo wa kuhanyiswa kwangu, wuthavelo wangu wa hombe.

Isaya 40:27

Ngu kutxani koko, u wombako, awe Jakobe, ni nawe Israyeli u ku khawe: Nzila yangu yi tsivilwe ka Mkoma, ni kulamulwa kwangu ku kule ni Txizimu txangu kani?

Masalmo 62:2

Txizimu ngu txona txokha i ku m'vhikeli wangu ni Muhanyisi wangu. Kha ni na mbi dekadekiswa, nguko txona mbuthavelo wangu.

Masalmo 28:1

Ni na kwangula kwako, Mkoma, awe dirigwi dangu; u nga tsive tinzeve ka mkombelo wangu. Ngako awe u si ni engisi, ni na fana ni vale va relelako mathowoni.

Isaya 49:15

Ina wamsikati a nga sikota kudivalisa eto mwanana wu a m'wunjako, asi mxanisekeli, mwanana wa mndani kwakwe kani? Aniko hambi i diku o m'divala, ani koko kha ni na mbi kudivala.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 88:9

Maso angu ma karate ngu kudila ngutu. Masiku otshe na kukhozela, Mkoma, na guleta manza angu ni txi khongela.

Masalmo 78:35

Sekoko va ti ti khumbula ti to Txizimu i m'vhikeli wawe, ni ti to Txizimu Nyatxitimwi i ti mtiruli wawe.

Masalmo 77:9

Txizimu txi nga va txi di divate wumbilu wa txona kani? Txi nga va txi di henyile ngutu aha koza wunene wa txona wu va wu di gumile kani?”

Masalmo 55:3

Ngu kuengisa diguwa da valala, ni kuxaniswa ngu vaonhi. Vona va ni vangela dikhombo kambe vona va ni xanisa ngu txiviti.

Masalmo 13:1

Mkoma, u na ni divala kala mbimo muni, kani? Wo ni leka ngu nyahele kani? U na ni sisela khohe yako kala mbimo muni kani?

Masalmo 92:3

ngu kuveta mbila ya digumi da makhokhoma ni haripa, ni kuembelela ngu txitende.