Masalmo 42:8 - Bhiblia Yo Sawuleka

⁸ Aniko Mkoma a na ni rumela lirando lakwe, di di txite, kasiku ni txi m'dhumisa ngu lindando, di di swite, mkombelo ka Txizimu txi txi ni ningako wutomi.

Masalmo 42:8 Referans Kwoze

Masalmo 149:5

Makholwa ma na giye ngu kuxula ka Txizimu va na embelele ngu kutsaka wotshe wusiku!

Masalmo 63:6

Mbimo yi ni nga otela na kukhumbula; ngako ni di wukile, na kualakanya ngutu,

Masalmo 16:7

A na dhumiswe Mkoma, a ni layako; hambi ni wusiku wa khumbukisa livhalo langu.

Jobe 35:10

Aniko ni wammweyo kha wombi ku khene: Txi hani Txizimu txi txi nga ni va nga kani? Txi ningako kuembelela ni wusiku kani?

Dhewuteronome 28:8

Mkoma a na ruma ti to makatekwa ma txi simama kwako, amu sizendani kwako ni ka yotshe mithumo ya manza ako; kambe a na kukatekisa ka ditiko dile a no kuninga.

Masalmo 133:3

Ngu nga txyandela txa mmangoni ka Hermoni, txi relelako ka mimango ya Siyoni. Nguko, ngu koneyo Mkoma a rumako makatekwa, ngu kuvaninga kuhanya kala kupinduka.

Vakolosa 3:3

nguko anu mi fite, se wutomi wanu wu sisilwe kumweko ni Kristu, ka Txizimu.

Mithumo 16:25

Hagari ka wusiku, Paulo ni Silasi va ti khongela, ve embelela tindando ta kudhumisa Txizimu; se ava va nga ti seketwe navo va to va engisa.

Matewu 8:8

Aniko nduna ya dizana yi to xamula yi txi kha yona: Mkoma kha ni fanelwi ngu ti to awe u txi wulela nyumbani kwangu, aniko womba dipswi dimwedo kugwita, se txithumi txangu txi na hanya.

Masalmo 44:4

Txizimu, awe ngawe mfumeli wangu! Ninga kuxula ka vathu vako!

Isaya 30:29

Ku nava ni ndando hagari kwanu, kufana ni wusiku wu ku mahwako m'buso wo sawuleka; ni kutsaka ka mbilu, ko fana ni ku humako mbimo ku yi ku vetwako tshodi, kasi ku ta mmangoni ka Mkoma, ka dirigwi da ka Israyeli.

Masalmo 77:6

Ni wotshe wusiku na pimisela mbiluni kwangu; mbiluni kwangu na alakanyela, ni txi ti wotisa ani nipune, ni txi khani:

Masalmo 57:3

Txona txi na rumela txivhuno txa txona ngu nzumani txi txi ni hanyisa ka vale va lavako ku ni fuvisa; Txizimu txi na rumela lirando la txona ni ditshuri da txona.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 32:7

Awe u wuthavelo wangu; Awe wa ni xayisa kuxanisekani; Awe wa ni tsanisa ngu tindando To tsanikisa ti txhatxhisako.

Levhi 25:21

Zivani ti to ani ni na mi katekisa ka dilembe da wutxhanu ni dimwedo, ni mi ninga kupfuna ka si si no velekwa amu tithembeni kwanu, asi si enelako malembe mararu.

2 Samuwele 22:5

Nguko mavimbi a kufa ma ni randete, ni mtalo wa wubiha wu ni fenengetile.

Masalmo 88:8

U ni hambanisile ni vangana vangu; u ni mahile wo nyenyeza masoni kwawe. Ni fana ni wo khotelwa asi sikotiko kuhuma.

Masalmo 124:4

konako mati nga ma di hi mitile mlonga nga wu di khulungile ngu txitimwi kwathu!

Jona 2:4

Se ani nokha ni ti khani: Ni rinzilwe kule ni khohe yako; hambi keto, ni na engeta ni wona dithepele dako do sawuleka.