Masalmo 42:5 - Bhiblia Yo Sawuleka

⁵ Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:5 Referans Kwoze

Masalmo 37:7

Themba Mkoma, u txi rinzela ene; u nga khatale ngu vale va humelelako wutomini kwawe, avale va humelelako ngu makungo awe o biha.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Masalmo 56:3

Ka ditshiku di ni no thava, ani ni na themba kwako.

Masalmo 43:5

Moya wangu, u thelwa dikhodho ngu txani, u txi thidhela kani? Themba Txizimu, ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

1 Samuwele 30:6

Se Dhavhidha a to henya ngutu, nguko vathu va ti ti womba-womba ngu kulava ku m'balisela ngu marigwi, nguko timbilu ta vathu votshe ti ti kuxanisekani, mmwani ni mmwani ngu mhaka ya vanana vakwe va majaha ni vamahorana; hambi keto Dhavhidha a to tsana ka Mkoma, Txizimu txakwe.

Mitengo 6:26

Mkoma a na gulete khohe yakwe, e kuninga kuthutha,

Jobe 13:15

Hambi txi txi ni daya Txizimu, ni na ema ka txona; ni na emela totshe tinzila tangu masoni ka txona.

Masalmo 71:14

Hambi keto, ani, ni na va ni kuthemba yotshe mbimo ni na simana ni txi kudhumisa.

Masalmo 56:11

ni themba Txizimu, se kha ni na mbi va ni dizowa. M'thu a nga ni mahela kubiha ka txani kani?

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Masalmo 77:3

Ngako ni txi alakanya Txizimu, na dila; ngako ni txi pimisela na guma mtamo.

Masalmo 44:3

Kunene hi nga mhaka ya mtamo wa matxhari awe va nga sikota kuhonyola ditiko, hi nga mhaka ya wurena wa mawoko awe va nga za ve di mana; aniko va di mani ngu mtamo wako wa hombe, niko u nga ti hafuhi navo, nguko awe u ti va randa.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Masalmo 35:14

Ni txi zumba ni txi xaniseka, kufana ni kupandisekela mngana mwendo mwanathu; nga wo felwa ngu mame wakwe.

Matewu 26:38

Sekoko a to va gela a txi khene: “Moya wangu wu ha kuxanisekani ka hombe ka kufa; zumbani hawa mi txi wonelela ni nani.”

Masalmo 38:6

Ni dombekile ni tsimbila ni di namile ngutu, ni zumba ni di kupandiseka dotshe ditshiku.

Isaya 30:29

Ku nava ni ndando hagari kwanu, kufana ni wusiku wu ku mahwako m'buso wo sawuleka; ni kutsaka ka mbilu, ko fana ni ku humako mbimo ku yi ku vetwako tshodi, kasi ku ta mmangoni ka Mkoma, ka dirigwi da ka Israyeli.