Masalmo 41:13 - Bhiblia Yo Sawuleka

¹³ A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

Masalmo 41:13 Referans Kwoze

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

Masalmo 89:52

A na dhumiswe Mkoma kala kupinduka. Amen! Ni Amen!

Masalmo 106:48

A na bongwe Mkoma Txizimu txa Israyeli, konkuwa ni yotshe mbimo! Votshe vathu va na wombe va txi kha vona: “Amen!” Dhumisani Mkoma!

Masalmo 150:6

Sotshe sivangwa so hanya si na dhumise Mkoma! Dhumisani Mkoma!

Mtuletelo 7:12

“Amen, wudhumo, kupfaliswa, wuzivi, kubongwa, kuxoniphwa, Kufuma ni mtamo si lumba Txizimu yotshe mbimo. Amen.”

1 Makronika 29:10

Ngu kumaha keto, Dhavhidha a to dhumisa Mkoma masoni ka wotshe msengeletano, a txi khene: Bongwa awe Mkoma Txizimu txa tate wathu Israyeli, ka yotshe mbimo.

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

1 Vakorinto 14:16

Nguko, ngako u txi bonga ngu moya wokha ka Txizimu, se awule i kova m'thu dwe msengeletanoni, eko asi ti pfiko ati u wombako, a na sikotisa kutxani kuangula, a txi “Amen” ka mkombelo wako wa kubonga, kani?

Jeremiya 28:6

Mprofeti Jeremiya koko a txi khene: Amen! Mkoma a na ti mahe eto. Mkoma a na tatise timhaka tako, ati u nga ti profeta, ta ku wuyisa siya sa Nyumba ya Mkoma, ni votshe va ku wukhumbini ka Bhabhilona, va txi wuya hawa.

1 Makronika 16:36

Ku na dhumiswe Mkoma Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa Mkoma.

Mtuletelo 11:17

“Athu ha ku bonga, Mkoma Txizimu txa mtamo wotshe, awe u ku awule a kuho, ni awule a nga ti ho, nguko u amukete mtamo wako wa hombe, u khata kufuma.

1 Vafumeli 1:36

Se Bhenaya mwana Joyadha, a to xamula ka mfumeli, a txi khene: “Amen: A na wombise toneto Mkoma, Txizimu txa mfumeli, nyamne wangu.”

Mtuletelo 22:20

Awule a fakazako timhaka tiya wa womba a txi khene: Ina, ani nata kunukunuku!” Amen. Ngono, Mkoma Jesu!

Mitengo 5:22

a ti to mati awa o bava ma txi wulela mndani kwako, kasi ku mrumbu wako wu txi simba ni kuoma tinyonga tako! Se wamsikati a na xamula a txi khene: Amen! Amen!

Masalmo 147:6

Mkoma wa xayisa sisiwana, aniko wa wisa hahatshi avale va mahako kubiha.