Masalmo 41:1 - Bhiblia Yo Sawuleka

¹ A katekile m'thu wu a alakanyako txisiwana; Mkoma a na m'hulukisa ka dikhombo.

Masalmo 41:1 Referans Kwoze

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.

Mithumo 20:35

Ngu totshe tinzila, ni mi kombisile tito, ngu kuthumisa tiya, hi fanela kuvhuna ava i ku sisiwana, na hi txi alakanya mapswi a Mkoma Jesu, a nga khene: ‘Kuha i kateko ya hombe ngutu kupinda kuhiwa.’ ”

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Masalmo 37:19

Kha va na mbi va ni tingana ka masiku a sikarato, ka masiku a nzala, vona va na khura.

Masalmo 112:9

Silo sakwe a abana ni sisiwana, aniko thomba yakwe yi na simama kala kupinduka a na va wa mtamo ni kuxonipheka.

Marku 14:7

Nguko sisiwana mi naso yotshe mbimo hagari kwanu, se mi nga sikota ku si mahela wunene ka dihi ni dihi ditshiku, ngako mi txi ti lava; aniko ani kha mi na mbi va ni nani yotshe mbimo.

Masalmo 37:26

Yotshe mbimo ene i m'thu wa wumbilu ni wuha; vanana vakwe va katekile.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Vagalatiya 2:10

Va to hi leleta dwe, ti to hi txi alakanya sisiwana; atiya ngu tona ti nani ni nga ti ti pandisekela ku ti maha.

1 Vatesalonika 5:14

Ha mi laya, vanathu, kawukani sindaka-milayo. Tsanisani ava va ku ni dizowa, vhunani ava va ku ni dikhodho, mi va ni kuhonisela ka votshe.

Mavingu 16:14

Txiviti txa mfumeli txi fanana ni mtumi wa lifo, kambe m'thu wo txhariha a na mmalata.

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Ekleziyaste 12:1

Alakanya M'vangi wako, ka masiku a wuphya wako, ma sanzi kuhoka masiku a makhombo, ma txi hoka malembe awa u no khawe: “Kha ni tsakiswi ngu ona”;

Rute 2:19

Sekoko masale wakwe a to m'gela a txi khene: “Nyamsi u lavetete hani, niku u thumete hani kani? A na katekiswe awule a nga khatala ngu ngawe!” Rute a to txhamusela ka masale wakwe, taku a thumile ni mani, a txi khene: “Wamwamna awule ni nga thuma nayo nyamsi, ditina dakwe i Bhowazi.”

Jeremiya 39:17

Aniko ni na kuhulukisa kedo ditshiku, kuwomba Mkoma, khu na mbi ningelwa manzani ka vathuvo u va thavako.