Masalmo 40:9 - Bhiblia Yo Sawuleka

⁹ Ni nuwete sithembiso sako masoni ka votshe vathu; awe wa tiziva, Mkoma, ti to kha na malala!

Masalmo 40:9 Referans Kwoze

Masalmo 22:25

Ni na kudhumisa ni si karali, hagari ka msengeletano wa hombe. Masoni ka vale va ku khozelako, ni na tatisa sithembiso si ni nga si maha.

Masalmo 119:13

Ni na wuyelela kuhuwelela ngu dipswi do pfala yotshe mithetho yi u nga yi womba ngu txisofu txako.

Masalmo 22:22

Sekoko ni na xawutela ka maxaka angu ati u nga maha; kambe ni na kudhumisa hagari ka msengeletano, ni txi khani:

Vahebheru 2:12

ma ku: “Ni na huwelela ditina dako ka vanathu, hagari ka msengelatano ni na embelela wudhumo wako.”

Masalmo 35:18

Ni na kudhumisa masoni ka votshe vathu vako; ni na kudhumisa hagari ka msengeletano.

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Masalmo 139:2

Awe wa ziva kukhalahatsha kwangu, ni kukhukha kwangu ni ema; na u di kule, wa ziva mipimiso yangu.

Masalmo 37:31

Ene ana ni mlayo wa Txizimu mbiluni kwakwe, ngu kumaha keto, mikondo yakwe kha yi rithimuki.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.