Masalmo 40:8 - Bhiblia Yo Sawuleka

⁸ Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Masalmo 40:8 Referans Kwoze

Varoma 7:22

Nguko ni tsakela mlayo wa Txizimu ani ngu wutumbu wangu;

Johani 4:34

Se Jesu a nje khene kwawe: “Sakudya sangu ngu kumaha kuranda ka wule a nga ni ruma ni kuhetisa mthumo wakwe.

Masalmo 119:16

Ni na tsaka ngu milayo yako; kha ni na mbi divala mithetho yako.

Jeremiya 15:16

Timhaka tako ni ti mani, ngu tona i nga ti ti kudya kwangu; tona i ti ti litsako ni kuzilimuka ka mbilu yangu, nguko ni dhanwa ngu ditina dako, awe Mkoma, Txizimu txa Mabutho a Tiyimbi.

Masalmo 119:24

Milayo yako ya ni tsakisa, ngu yona yi ni ningako wusungukati.

Masalmo 119:47

Milayo yako ya ni tsakisa ngu toneto na yi randa.

Masalmo 119:92

Idiku mlayo wako wu ti si ni tsakisi, nga ni di fite kale kupandisekani kwangu.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

2 Vakorinto 3:3

Nguko ti ha kubasani ti to Kristu ngene a nga bhala dipapilo ni ku di rumela ngu ngathu. Dona kha da bhalwa ngu tinta, aniko di bhatwe ngu moya wa Txizimu txi txi hanyako; i si nga ka sileti sa marigwi, aniko di bhatwe timbiluni ka vathu.

Jobe 23:12

Ka sileleto sa txisofu txa Txizimu, kha ni zivi ka nga hambuka. Se mapswi a mkanani ka txona ni ma dhundile kupinda si nidyako.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.