Masalmo 40:6 - Bhiblia Yo Sawuleka

⁶ Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Masalmo 40:6 Referans Kwoze

Isaya 1:11

Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Masalmo 51:16

Awe khu lavi timhamba; ani nga ni txi ku mahela; awe khu khatali ngu miningelo ya sihari so hiswa.

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Matewu 12:7

Idiku anu mo di ziva dipswi di di wombako tito: Ni dhunda wumbilu, i si nga mphaxo, nga mi sa ninga mnandu ava va nga mbi onha.

Amosi 5:22

Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Jobe 33:16

Sekoko Txizimu txa tula tinzeve ta vathu, kambe txa tsanisa sileleto sa txona,

Masalmo 50:8

Kha ni na mbi kukawuka ngu mhaka ya timhamba, miningelo ya sihari u ni mahelako sotshe sikhati.

Eksodha 21:6

Sekoko nyamne wakwe a na mtisa masoni ka Txizimu, a na mkhigetelisa aha ka ditimba mwendo aha ka msasimo, a na mthola nzeve ngu linyonzi, se a na va i di khumbi yakwe ngu yotshe mbimo.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,

Masalmo 139:17

Mkoma, makungo ako ma ni lisima ngutu kwangu! Mtengo wa ona mbwa hombe ngutu.

Masalmo 139:18

Idiku na lava ku ma bala, nga ma txi pinda mafu ngu kutala; idiku no hoka magwito, nga ni si sikoti ku kupima awe.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.