Masalmo 40:5 - Bhiblia Yo Sawuleka

⁵ Awe Mkoma, Txizimu txangu, u hi mahete sixamaliso sako sa hombe; kha nga ho m'thu wu a dinganiswako ni nawe! U mahile makungo a hombe o xamalisa a ku hi vhuna; mithumo yako, hambi idiku no lava ku yi bala ni ku yi xawuta, nga ni si sikoti, nguko nja kutanda vabali.

Masalmo 40:5 Referans Kwoze

Jeremiya 29:11

Nguko na tiziva ti ni xuvako tona ngu nganu, kuwomba Mkoma: Maalakanyo a kuthutha, na i si nga a dikhombo, ti taku ni verela masiku matako.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,

Masalmo 92:5

Mkoma, mithumo yako nja hombe ngutu, mapimo ako ma etile ngutu!

Masalmo 136:4

Awule i ku ene ekha a mahako sixamaliso sa hombe; nguko lirando lakwe nda kala kupinduka!

Masalmo 139:6

Wuzivi wo nga eto, kwangu wa xamalisa ngutu; wuzivi wo guleka ngutu, kha ni sikoti kuyipfisisa ngu mapimo angu.

Jobe 9:10

Atxi txi vangako silo sa hombe, si si kotekiko kubalwa, ni sixamaliso saku kha si txhamuseleki.

Jobe 5:9

Txona txi maha mithumo ya hombe ngutu, kha yi koteki ni ku yi bala; ni sixamaliso sasingi sa kwa mbi balwa.

Jobe 26:14

Wona taku atiya ndikasa ta tinzila ta Txizimu; kambe ndidotho ngutu ati hi khalako ku tipfa ngu txona! I mani koko a ndi no ziva kudhinda ka mtamo txona kani?

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Masalmo 73:28

Aniko kwangu, ndinene kuzumba hafuhi ka Txizimu. Awe, Mkoma, Txizimu txangu, u wuthavelo wangu; ni na huwelela totshe ti u nga maha.