Masalmo 40:3 - Bhiblia Yo Sawuleka

³ Mkoma a ni ningile kuthula ndando ya yiphya, m'zeno wa kudhumisa Txizimu txathu. Vavangi, ngako va txi ti wona tiya, va na xamala, kambe va na themba Mkoma.

Masalmo 40:3 Referans Kwoze

Masalmo 33:3

Embelelani kwakwe ndando ya yiphya; vetani ngu wuzivi, mi txi mkulungela!

Masalmo 52:6

Ngako vathu vo lulama va txi ti wona toneto, va na thava, kambe eneyo m'thu va na mseka, va txi kha vona:

Mtuletelo 14:3

Va ti embelela lindando la liphya masoni ka txikhalo txa wukoma, ni masoni ka sihari sa mune ni ka madhota. A walo wu a nga ti sikota kugonda lindandolo, hahanze ka va va 144.000 wa vathu, va nga hulukiswa ha mafuni.

Masalmo 144:9

Kwako awe Txizimu, ni embelela ndando ya yiphya; ngu haripa ni txiya txa digumi da tingoti, kwako ni na embelela ni kudhumisa.

Masalmo 35:27

Aniko va na tsake va txi giya avale va ti zivako ti to ni wamnene; kambe va na wombe yotshe mbimo va txi kha vona: “Mkoma mbwa hombe! Mkoma a dhunda wunene wa txithumi txakwe!”

Masalmo 142:7

Thavisa moya wangu mkorani, kasiku ni na dhumisa ditina dako; vathu vo lulama va na ni randela, ngu kuwona makatekwa awa u nga ni mahela.”

Mithumo 4:4

Hambi keto, vathu votala va nga engisa dipswi, va to kholwa. Mtengo wa vavamna wu ti lava kuva wa 5.000.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Masalmo 37:23

Mkoma wa komba vathu nzila yakwe wa vhikela avale va mtsakisako.

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Masalmo 119:133

Tsanisa mikondo yangu nzilani ka dipswi dako, u nga tumele ti to wubihi wu txi ni fuma.