Masalmo 40:2 - Bhiblia Yo Sawuleka

² A ni humisile diphalani ko thisa, ka ndope yi yi dayako; a ni emisile txitimwi ka dirigwi, a txi ni basisela tinzila.

Masalmo 40:2 Referans Kwoze

Masalmo 37:23

Mkoma wa komba vathu nzila yakwe wa vhikela avale va mtsakisako.

Masalmo 119:133

Tsanisa mikondo yangu nzilani ka dipswi dako, u nga tumele ti to wubihi wu txi ni fuma.

Masalmo 27:5

Ngako ma txi ni hokela masiku a kubiha, Moma a na ni lwela; ene wa ni sisa nyumbani kwakwe; a na ni hulukisa ngu ku ni veka txitimwi ka dirigwi.

Masalmo 61:2

Ni di magwito ka mafu, na peka huwa kwako, ngu mbilu yangu yo rereka. Ni veke txitimwi ka dirigwi do lapha ngutu ku ni pinda.

Masalmo 71:20

Awe u nga ni maha ni wona wubihi wawungi ni sixaniso, u na ni ninga kambe wutomi u na ni humisa diphalani ko hokoma ka mafu.

Masalmo 86:13

nguko wunene wako mbwa hombe kwangu; u ni ponisile ka diphala da lifo!

Masalmo 69:2

Na hojomela diphalani ko hokoma ka ndope, kha ni nga ni ko kanda kona. Ni maneka ni di mu ka mati o mita ngutu ni mpswinga se wa ni ndinda.

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

Masalmo 18:36

U lulamisile nzila yangu ni mikondo yangu kha ya thidhela.

Mithumo 2:24

Aniko Txizimu txi mwusile ngu ka vo fa, txi txi m'hulukisa ka sixaniso sa lifo, ngako ti nga ti si koteki ti to e zumba a di ñotwe ngu lifo.

Masalmo 143:3

Mlala wangu wa ni xanisa, wa ni ganyatela hahatshi; wa ni kurumeta kuzumba txidemani, kufana ni vale va nga fa kale.

Masalmo 17:5

Ninga mikondo yangu kulondisa tinzila tako, kasiku ni si hambuki ka tona.

Masalmo 116:3

Ni ti tombetetwe ngu majoke a lifo, ku asama ka diphala ku txi ni thela ndendema; ani ni to tala ngu kuthava ni kuxaniseka.

Matewu 13:50

Ti na va tshotsha mdhikilani ka hombe ka mndilo wo tura, koneyo ku nava i di ka kudila ni kugegeresela ka makwasa.”

Isaya 24:22

Se ma na tshanzuketelwa kufana ni vo ñolwa, amu diphalani, kambe ma na khotelwa mkorani, ma na tsayiswa msana ka masiku amangi.

Masalmo 18:7

Sekoko mafu ma to zinginika, ma txi dekadeka, makhato a mimango ma to dhudhumela: Ma dhudhumete ngu kuhenya ka Txizimu.