Masalmo 4:8 - Bhiblia Yo Sawuleka

⁸ Ni na rwama ni txi otela ngu kudikha, nguko awe, Mkoma, ngawe dwe u ni ningako kuhanya ngu kuxayiseka.

Masalmo 4:8 Referans Kwoze

Mavingu 3:24

Mbimo yi u no otela, khu na mbi thava; ngako u txi na otela, ni wukohe wako wu na va wo tsakisa ka wusiku wotshe.

Masalmo 3:5

Na rwama ni txi otela wotshe wusiku, ngu msana ni txi wuka, nguko Mkoma wa ni vhikela.

1 Vatesalonika 5:10

a nga hi fela, kasiku athu, mwendo ha wonelela mwendo ha otela, hi hanya hi di patani kumweko nayo.

Dhewuteronome 12:10

Aniko mi na txhatuka Jordhani mi txi ya aka ka ditiko dile, Mkoma, Txizimu txanu, a no mi ninga di txi maha thomba yanu; ene a na ya mi vhikela ka votshe valala vanu, vale va mi randelako, kasi ku mi txi zumba ngu kudikha ni kutsana.

Levhi 26:5

Se kuelula ku na mi hokisa mu ka kuhula, kala ka mbimo ya kuphaya; mi na dya sakudya ngu kuenela, kambe mi na hanya ngu kuzumbiseka amu ditikoni kwanu.

Hoseya 2:18

Se ka ditshiku dile ni na maha ngu vona txitumelelano, ni sihari sa tshofu sa txitinga, ni sinyana sa nzumani, ni sihari so tsimbila ngu mrumbu sa ha mafuni; kambe ni na thavisa wulaho ni ditxhari, ni gumisa ni yimbi ditikoni, ni va maha ve zumba ngu kutsana.

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

Ezekhiyele 34:25

Kambe ni na maha txitumelelano txa kuthutha kumweko nato, ni txi heta sihari sa tshofu ha mafuni; ti na zumba txiwulani ti di tsani, ti txi otela sitingani.

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.