Masalmo 4:4 - Bhiblia Yo Sawuleka

⁴ Dhudhumelani kambe mi nga goheni. Wombawombani ngu mbilu mi di malate mi txi otela matahoni kwanu.

Masalmo 4:4 Referans Kwoze

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Masalmo 77:6

Ni wotshe wusiku na pimisela mbiluni kwangu; mbiluni kwangu na alakanyela, ni txi ti wotisa ani nipune, ni txi khani:

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Masalmo 63:6

Mbimo yi ni nga otela na kukhumbula; ngako ni di wukile, na kualakanya ngutu,

Masalmo 46:10

“Emani! Ti ziveni ti to ani ngani Txizimu! Ni na guletwa hagari ka mifumo, ni wa hombe txitimwi ka otshe mafu!”

2 Vakorinto 13:5

Ti xoleni mipune, kufela kuwona ti to mi tsani kukholwani; yanani masoni ngu ku ti xola. Mwendo mo va mi si ti zivi ti to Jesu Kristu waho kwanu kani? Ahanti mwendo mi to koneka.

Masalmo 33:8

Ditiko dotshe di na thave Mkoma; vaaki va dotshe ditiko va na dhudhumele masoni kwakwe.

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Habhakuki 2:20

Kambe Mkoma amu ka dithepele dakwe do sawuleka; ma na malale masoni kwakwe otshe mafu.

Mavingu 16:17

Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.

Masalmo 119:161

Vathu va mtamo va ni xanisa ni si nga ni mnandu, aniko mbilu yangu yi thava mapswi ako.

Masalmo 3:4

Ngu dipswi do guleka na peka huwa kwakwe Mkoma, se ene wa ni angula a di mmangoni kwakwe ko sawuleka.

Masalmo 2:11

Thumelani Mkoma Txizimu ngu txithavo, mi txi mtsakela ngu kudhudhumela.

Jeremiya 5:22

Ina kha mi ni thavi kani? Kuwomba Mkoma; kha mi na mbi dhudhumela masoni kwangu kani? Ani wu ni nga veka mtxhefa kuva muhingano wa Linene wa kala kupinduka, ti taku li si sikoti ku wu ndaka. Hambi mavimbi ma txo peka ngu mtamo kha ma sikoti ku wu xula; hambi li nga dhindadhinda ngu mtamo kha li na mbi pinda.

Masalmo 3:2

Mbavangi avale va wombako ngu ngani va txi kha vona: “Kha ku nga ho kuhanyiswa kwakwe ngu didhawa da Txizimu!”

Masalmo 17:6

Ni huwelela kwako, Txizimu, nguko awe u na ni xamula; riya nzeve yako kwangu, u txi engisa mapswi angu.