Masalmo 4:2 - Bhiblia Yo Sawuleka

² Anu vanana va vathu, mi na poyilela wudhumo wangu kala yihi mbimo kani? Mi na leka ditshiku muni kukanganyisa, ni kuranda makuhu kani?

Masalmo 4:2 Referans Kwoze

Mavingu 1:22

Anu siphukuphuku, mi na randa wuphukuphuku wanu kala yihi mbimo kani? Ni nanu vatseketseli, mi na randa kutseketsela kani? Se anu siphukuphuku mi na venga wuzivi kani?

Hoseya 4:7

Nga ha vona va nga anda, ni ku ni onhela kwakwe nga kungi; ani ni na maha kudhundeka kwawe kuva tingana.

Masalmo 3:3

Aniko awe, Mkoma, u txitxhavangu txangu txo ni vhikela; awe u wudhumo wangu, ngawe u ni tsanisako.

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Masalmo 106:20

va to leka Txizimu, txi i ku wudhumo wawe, ve khozela txithombe txa txihari txi txi dyako mwasi.

Masalmo 5:6

wa fuvisa ava i ku vamakuhu. Wa nyenya sigevenga ni vakanganyisi.

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

1 Samuwele 12:21

Se mi nga thuke mi hambuka, mi londetela timhaka ta kwa mbi vhuna txilo, ti ti si mi vhuniko ngu txilo, ti ni ka kudhoto ti no mba mi txhatxhisa, nguko kha ti vhuni txilo.

Jona 2:8

Avale va ti ningetetelako ka ti ti si vhuniko txilo, va leka wumbilu wa Mkoma vapune.

Jeremiya 9:3

Se va domba tidimi tawe nga malaho kasi kuhemba makuhu, va na ni mtamo ditikoni, aniko kha va wu thumisi kumaha ta tinene, nguko vaya masoni ngu kubiha ni kubiha, kha va ti zivi, kuwomba Mkoma.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Isaya 20:5

Se va na xamala, veva ni tingana, ngu mhaka ya Vaetiyopiya, ava va va thembako, ni Vaegipta va va ti dhumisako ngu vona.

Masalmo 63:11

Aniko mfumeli a na tsaka ngu ka Txizimu; va na embelela sidhumiso ava va xambanyako ngu txona, aniko vawombi va makuhu va na malatwa.

Masalmo 58:3

Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.

Masalmo 58:1

Anu vafumeli, ina ma lamula timhaka ngu nzila yo lulama kani? Ni kuthethisa vathu ngu nzila yo lulama kani?

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 31:6

Na nyenya avale va khozelako sizimu sa makuhu, kambe themba yangu ni yi veka ka Mkoma.

Masalmo 14:6

Anu mi vhinganyisela makungo a txisiwana, aniko Mkoma mbuthavelo wa txona.

Masalmo 2:1

Ngu kutxani mifumo yi txi wusa vhilinganya kani? Ngu kutxani vathu va txi aka makungo o mbi vhuna txilo kani?

Ekleziyaste 9:3

Awuwa mbubihi wu wu ku hagari ka totshe ti ti mahwako hahatshi ka ditambo: I ku tito, ka votshe, kuhumelela to fana; ni ti to, timbilu ta vanana va vathu ti tate ngu wubihi; wupumbu wu mu ka timbilu tawe, amu kuhanyani kwawe, ngu magwito vaya kufani.

Masalmo 72:2

kasiku e thethisa vathu vako ngu kululama ni kuxayisa sisiwana ngu kululama.

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

1 Vakorinto 1:31

ngu mhaka ya tile ti nga bhalwa va txi kha vona: “Awule a ti kulisako, a na ti kulisele ka Mkoma.”

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Mithumo 24:9

Se Vajudha ni vona va to ema nayo, va txi kha vona: “Kha ditshuri ngu toneto.”