Masalmo 39:9 - Bhiblia Yo Sawuleka

⁹ Ni malate, kha ni na mbi tula txisofu, nguko mthumo wuwa mbwako.

Masalmo 39:9 Referans Kwoze

Jobe 2:10

Aniko ene a to khene: Mawombawombelo a wamsikati wa txiphukuphuku eyo u ma thumisako; hi na amukela wunene ngu ka Txizimu, hi si amukeli ta walo kani? Ka totshe tiya, Jobe kha onha ngu txisofu txakwe.

2 Samuwele 16:10

A to khene kambe mfumeli: I txani ni ku natxo ni nanu, anu vanana va Zeruiya kani? Mlekeni e ni ruketela, nguko Mkoma a m'gete ku khene: Ruketela Dhavhidha, nguko i mani a no womba ku khene: U maha txani toneto kani?

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Masalmo 38:13

Kambe ani ni ti maha diphanzeve, kha ni engisi; ni ti maha txiduma, kha ni tuli txisofu.

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.