Masalmo 39:10 - Bhiblia Yo Sawuleka

¹⁰ U nga swe u txi ni peka; na guma mtamo ngu kunemela ka dianza dako.

Masalmo 39:10 Referans Kwoze

Jobe 9:34

Txizimu txi na thavise ndonga ya txona txitimwi kwangu, kambe ni nga dhukiswe ngu kuthisa ka txona.

Jobe 13:21

Tsulisa kule ni nani dianza dako, kambe u nga ni xamalise ngu kuthisa kwako.

Masalmo 32:4

Nguko wusiku ni mitshikari dianza dako di ti ti ni nemela; Ni hisilwe ngu lisani nga tximilwa txa malanga.

Jobe 40:8

Ina mwendo u nga eyisa ditshuri dangu mwendo u na ni kona, u txi ti basisa kani?

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

Jobe 2:10

Aniko ene a to khene: Mawombawombelo a wamsikati wa txiphukuphuku eyo u ma thumisako; hi na amukela wunene ngu ka Txizimu, hi si amukeli ta walo kani? Ka totshe tiya, Jobe kha onha ngu txisofu txakwe.

Sidilo 3:28

M'thu wu Txizimu txi nga mrweka sixaniso, a na ti ñole ekha a txi tsanisela;