Masalmo 38:6 - Bhiblia Yo Sawuleka

⁶ Ni dombekile ni tsimbila ni di namile ngutu, ni zumba ni di kupandiseka dotshe ditshiku.

Masalmo 38:6 Referans Kwoze

Jobe 30:28

Ni hisilwe, aniko na i si nga ngu ditambo; ni txi ema msengeletanoni, no dilela kulamulelwa.

Masalmo 35:14

Ni txi zumba ni txi xaniseka, kufana ni kupandisekela mngana mwendo mwanathu; nga wo felwa ngu mame wakwe.

Masalmo 42:9

Ni lava kuwombawomba ni nawe, Txizimu, ni txi khani: M'vhikeli wangu ngu ngawe, ngu kutxani u txi ni divala kani? U txi ni leka ni xupheka, na mlala wangu a txi ni xanisa?

Masalmo 43:2

Awe ngawe Txizimu, mlweli wangu! Ngu kutxani u txi ni rethela kule kani? Ngu kutxani ni zumbako kuxanisekani, ni tsotsorolwa ngu mlala kani?

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 145:14

Mkoma wa wusa votshe vale va wako, a txi tsanisa votshe vale va khuvekako.

Masalmo 88:9

Maso angu ma karate ngu kudila ngutu. Masiku otshe na kukhozela, Mkoma, na guleta manza angu ni txi khongela.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 31:10

Ni hanya wutomi wangu ngu kuxaniseka, malembe a wutomi wangu ma pinda ni di kuxuphekani. Kupandiseka ka heta mitamo yangu; mmidi wangu wa goma.

Masalmo 6:6

Ni karate ngu kudila. Wusiku ni wusiku ni nakanisa m'bhedhu wangu ngu mirongo ni tata ngu mirongo, txikhigelo txangu.

Isaya 38:14

Ku nga mbeluvelu ni nyawukolwe, ni ti ti foma, ni keta kufana ni mmbaha wa txituvani, ni ti ti gula maso txitimwi; awe Mkoma, ni maneka kupandisekani! Ni lamulele.

Jobe 7:5

Mmidi wangu wu ambate timbungu ni tiphorwa ta lithulu; didhowo dangu di bhandekete, da nyenyeza.

Masalmo 107:17

Vamwani va mahile sipumbu ngu mhaka ya sionho sawe, ve xaniseka ngu mhaka ya minandu yawe