Masalmo 38:10 - Bhiblia Yo Sawuleka

¹⁰ Mbilu yangu ya bhibhikela ngutu, mtamo wu gumile. Maso angu ni ona kha ma woni txilo.

Masalmo 38:10 Referans Kwoze

Masalmo 6:7

Maso angu ma simba ngu kudila, ma kumbiswa ngu votshe valala vangu.

Masalmo 88:9

Maso angu ma karate ngu kudila ngutu. Masiku otshe na kukhozela, Mkoma, na guleta manza angu ni txi khongela.

Masalmo 69:3

Na foma dipswi ngu kupeka huwa, mkolo wangu omile, wa panda; maso angu ma karala ngu kurinzela, Txizimu txangu!

Sidilo 2:11

Maso angu ma karate ngu mirongo, moya wangu wu ha kukaratekani. Ni gumile mtamo ngu kupandiseka ngu mhaka ya kuloviswa muhorana wa vathu vangu; nguko va tsivala vafana ni timenzani to mama, magondoni ka didhoropa.

Isaya 21:4

Mbilu yangu yi vhilukile, na dhudhumela ngu kuthava; kuswa ka ditambo ni nga ti kulava, ku ni mahile ni dhudhumela.

Masalmo 119:123

Maso angu ma dokovela ngu kurinzela kuhanyisa kwako, na ni txi verela kuhanyiswa, nga ti u nga thembisa tona.

Masalmo 42:1

Kufana ni mhuti yo pfa ditora yi tutumelako mnamboni, nanani na kuxuva, awe Txizimu txangu.

Masalmo 31:10

Ni hanya wutomi wangu ngu kuxaniseka, malembe a wutomi wangu ma pinda ni di kuxuphekani. Kupandiseka ka heta mitamo yangu; mmidi wangu wa goma.