Masalmo 37:9 - Bhiblia Yo Sawuleka

⁹ Sigevenga si na loviswa, aniko avale va thembako Mkoma va na mana thomba ya mafu.

Masalmo 37:9 Referans Kwoze

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Masalmo 25:13

Moya wakwe wu na zumbiseka kwati ni liveleko lakwe li na mana ditiko di di nga thembiswa.

Isaya 57:13

Ngako u txi dila, sile mi nga ti sengeletela si na mi txhatxhise; kambe moya wu na si teka sotshe, ni kwa mbi nyawula ku na si gula; aniko wule a thembako kwangu a na lumbwa ngu mafu, se mmango wangu wo sawuleka wu na maha thomba yakwe.

Masalmo 37:29

Vathu vo lulama va na dya thomba ya mafu, va na xayiseka ka ona yotshe mbimo.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Mavingu 2:21

Nguko vo lulama va na zumba ha mafuni, ni vale vo thembeka va na zumba ka ona yotshe mbimo.

Isaya 58:14

sekoko, u na tsaka ka Mkoma, kambe ni na ku maha u guleka txitimwi ka mafu, ni ku kutsanisa ngu thomba ya tate wako Jakobe; nguko txisofu txa Mkoma txi wombile.

Vahebheru 11:16

Aniko, vona va vilela mwani ka nzumani. Ngu toneto, Txizimu kha txa pfa tingana ngu kuwomba ti to i Txizimu txawe. Kha ditshuri, txona txi va lulamisete didhoropa.

Mitengo 26:65

Nguko Mkoma a wombile ngu vona ti to ngu ditshuri va na fela txiwulani; se kha ka sala ni wammweyo, hahanze ka Kalebhi, mwana Jefoni, ni Joxuwa, mwana Nuni.

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

Joxuwa 14:9

Ka donedo ditshiku, Mosi a xambanyile a txi khene: “Ngu ditshuri, ditiko di, di nga kandwa ngu mkondo wako, di na kulumba di txi maha thomba yako, ni ya vanana vako, kala kupinduka, nguko u engisile ngu kutsana Mkoma, Txizimu txangu.”

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.