Masalmo 37:8 - Bhiblia Yo Sawuleka

⁸ Leka kuhenya, u nga zumbe ni dikhulo; u nga henye, nguko eto ti va nga kubiha dwe.

Masalmo 37:8 Referans Kwoze

Mavingu 14:29

Awule wo timisela mbwa hombe mu ka wutxhari, kambe awule wa magwava wa guleta wuphukuphuku.

Mavingu 16:32

I txhuko m'thu wo timisela kupinda ndena, ni wule a fumelako moya wakwe, kupinda wule a tekako didhoropa.

Vaefesu 4:31

Totshe ti i ku ta mabava, kuhenya, txitsikivi, maguwa ni kuruka, sotsheso si na fuve hagari kwanu, kufana ni lotshe lixaka la wubihi.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Vakolosa 3:8

Se konkuwa na nanu si tshotsheni kule sotshe siya: Txitsikivi, kuhenya, wubihi, kuruka, mawombawombelo a nzambwa.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Jona 4:1

Se Jona a to swireka ngutu ngu mhaka eyo, se e maneka a di henyile ngutu.

Jona 4:9

Sekoko, Txizimu txi to kha txona ka Jona: Ina u nga za u pandiseka ngu mhaka ya thanga kani? Se ene a to xamula a txi khene: Ndinene ni pandiseka ni za ni navela kufa.

Jobe 18:4

O awe u tshatulelako moya wako ngu kuhenya, ina ma na lekwa mafu ngu mhaka yako kani? Ma na rindilika marigwi ngu wukhaloni ka ona kani?

Masalmo 73:15

Idiku ni to londisela tawe, nga ni di khuvekisile liveleko la vanana vako.

Masalmo 31:22

Mu kukanakanani kwangu ni pimisile ti to u ni hambukisile masoni kwako; aniko, mbimo yi ni nga kudhana, u engisile huwa ya mikombelo yangu.

Masalmo 116:11

Kukaratekani kwangu, ni zile ni txi khani: “Ku walo m'thu wo thembeka!”

1 Vafumeli 11:22

Sekoko Faro a to mxamula a txi khene: Se u pwata txani kwangu, u lava kukhukha u tsula m'tini kwako kani? Ene a nje khene: Hi nga txilo, hambi keto, ni thuse.