Masalmo 36:8 - Bhiblia Yo Sawuleka

⁸ Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

Masalmo 36:8 Referans Kwoze

Masalmo 16:11

U na ni komba nzila ya wutomi; masoni kwako ku tate litsako; ka dianza dako da txinene, ku ni kuzumbiseka ko mbi gwita.

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Matewu 5:6

Va katekile ava va ku ni nzala ni ditora da wululami, nguko va na khuriswa!

Masalmo 46:4

Mnambo wa tsakisa, ngu milonga ya wona, didhoropa da Txizimu, didhoropa do sawuleka ngutu da kuzumba Nyatxitimwi.

Isaya 48:21

Se Jakobe asi nga ni ditora, mbimo yile a nga mtsimbitisa ngu txiwulani; a to mkhulongisela mati ngu mu ka dirigwi; e bhandisa marigwi, se mati me pfukula ngu konemo.

Jobe 20:17

Kha na mbi ma wona mati o tutuma, minambo ni sinambwana sa wulombe ni mafura.

Johani 7:37

Ka ditshiku do gwitisa da M'buso, i ku ditshiku da hombe, Jesu a to khukha a txi ema, a txi gula dipswi a txi khene: “Ngako m'thu wokari a ti ni ditora, anate kwangu e ta sela.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Zakariya 9:17

Nguko nga tona ti wu nga kulisa tona wunene wawe! Ni ti va nga tshurisa tona! Se fulaho yi na tshurisa majaha, ni vhinya ya yiphwa yi na tshurisa mahorana.

Masalmo 17:8

Ni xayise kufana ni ndololo ya diso dako; ni sise mtsudini ka mabhapi ako,

Masalmo 31:20

Ngu kuvhikelwa masoni kwako, wa va emela ka sikungo so biha sa vathu; kota txibhiya txo tsana, awe wa va vhikela ka siruko sa valala vawe.