Masalmo 36:6 - Bhiblia Yo Sawuleka

⁶ Kululama kwako nga hombe kufana ni mimango; mithetho yako yi etile kufana ni linene. Awe, Mkoma, wa xayisa vathu ni sihari.

Masalmo 36:6 Referans Kwoze

1 Timoti 4:10

Nguko txivangelo txa kuthuma kwathu ni kulwa kwathu ngu ti to hi vekile kuthemba kwathu ka Txizimu txi txi hanyako, atxi i ku Muhanyisi wa votshe vathu, ngutu-ngutu avale va ku ni likholo.

Varoma 11:33

Oh! Kutshima ka kufuma ni wuzivi ni wutxhari wa Txizimu! Kulamula ka txona kha ku ziwi ngu m'thu, hambi tinzila ta txona ni tona kha ti ziwi ngu m'thu.

Masalmo 77:19

U tute nzila yako hagari ka linene; u tsimbila ngu hagari ka mati o khulunga, aniko ni wammweyo kha nga wona mkondo wako.

Masalmo 71:19

Kuthembeka kwako, Txizimu, nga hombe ngutu kufana ni nzuma; u mahile simaha sa hombe. I mani a fananako ni nawe kani?

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Masalmo 145:9

Mkoma mbwamnene ka votshe; ni wumbilu wakwe wu dingana yotshe mithumo yakwe.

Masalmo 97:2

Mkoma a randetwe ngu marefu ni txidema; ditshina da mfumo wakwe ngu kululama ni fanelo.

Masalmo 92:5

Mkoma, mithumo yako nja hombe ngutu, mapimo ako ma etile ngutu!

Varoma 3:25

awu txona txi nga m'sikela ti to a na va i di mhamba ya kudihela sionho ngu mnoha wakwe, ka wule a kholwako kwakwe; Txizimu txi mahile tiya kasiku kombisa kululama ka txona ngu kuva txi di divalete sionho si si nga mahwa kale,

Jona 4:11

se ani na mbi va ni ku di pfela Didhoropa da Hombe da Ninivha, a di di ku ni kupinda 120.000 wa vathu, ava va si ziviko kuhambanisa diwoko dawe da txinene, ni diwoko dawe da txibhabha, ni sihari sasingi kani?

Isaya 40:28

Khu ti zivi, khwa tipfa taku, Txizimu txa yotshe mbimo, Mkoma, M'vangi wa magwito a mafu, kha karali, hambi kurereka kani? Mapimo akwe kha ma na mpimo.

Masalmo 147:9

a ningako ka sihari sakudya sa sona ni ka mavhondo a magwana, mbimo yi ma dilako.

Jobe 37:23

Ka wu wa Mtamo-wotshe kha hi na kuhoka; mbwa hombe amu ka mtamo; aniko kha lamuli ni wammweyo ngu timbiti, ni wuhombe wa wululamo.

Jobe 7:20

Ngako ni ti onhile, ni na ku mahela txani, awe muwoneleli wa vathu kani? U mahete txani ku ni xanisa nga wo xotwa, kuva ti txi ni nemelela kani?

Nehemiya 9:6

Awe ngawe wekha u ku Mkoma, ngawe u nga maha nzuma, nzuma ya tinzuma ni dotshe dibutho da yona, mafu ni sotshe si si ku ka ona, ni minambo ni sotshe si si ku ka yona; sotshe ngawe u si hanyisako, ni dibutho da nzumani da kukhozela.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Eksodha 9:28

Khongelani ka Mkoma a txi emisa singwalangwanda kumweko ni mati a maralala. Ani ni na mi leka mi txi tsula, kha ni na mbiswa ni txi mi ñola kambe.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Jeremiya 12:1

Wa kululama ngutu ngawe, Mkoma, hambi ni txo kanetisana ni nawe; hambi keto, ni na bhula ni nawe ngu malamulelo ako. Ngu kutxani va kubiha ve humelela kani? Va kateka ngu kutxani votshe va va nga mbi thembeka kani?

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;

Masalmo 31:20

Ngu kuvhikelwa masoni kwako, wa va emela ka sikungo so biha sa vathu; kota txibhiya txo tsana, awe wa va vhikela ka siruko sa valala vawe.

Sidilo 3:23

Wumbilu wa Mkoma, wu woneka i di wa wuphya ka ditshiku ni ditshiku; kuthembeka kwako Mkoma nga hombe.