Masalmo 36:4 - Bhiblia Yo Sawuleka

⁴ Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 36:4 Referans Kwoze

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Isaya 65:2

Ni nawulutile manza ditshiku dotshe, ka vathu va i ku vakaneti, va tsimbilako ngu tinzila to biha, ve ti mahela ti ti ku mapimoni kwawe;

Mtuletelo 2:2

Na yi ziva mithumo yako, kukhatala kwako ni kutimisela kwako, na tiziva ti to khu sikoti kupfana ni vathu vo biha; u va xote u txi va tumbula ava va nga ti ti womba ku mbaprofeti, na i si nga vona, u va woni ti to mba makuhu.

Masalmo 97:10

Mkoma wa randa avale va nyenyako kubiha wa vhikela wutomi wa vale va mthembako, wa va hulukisa manzani ka vabihi.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Mithumo 23:12

Ngako di di txite, Vajudha vokari va to sunga txikungo, va txi ti kurumeta ngu kuxambanya, va txi kha vona va na mbi dya ni kusela, va sinzi kudaya Paulo.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Jeremiya 8:6

Ni riyile nzeve, ni engisela, aniko kha va wombi ditshuri; kha ngaho a hundulukako kubihani kwakwe, a txi khene: Intxani ni nga txi maha kani? Votshe va tutuma nga mahantxhi ma kuluvetelako kulwani.

Jeremiya 6:16

Mkoma a khene: Emani tinzilani, mi wonisisa; mi wotisela tinzila ta kale, mi txi khanu: Kasi nzila ya yinene ngu yihi kani? Sekoko, tsimbilani ngu yona. Mi na mana kuhumula ka mihefemulo yanu. Aniko vona va to xamula, va txi kha vona: Kha hi tumeli kutsimbila ngu yona.

Mavingu 24:23

Aawa ni ona, ngu ona mavingu titxhari. Hi nga ta tinene kulamula ngu kuwona khohe.

Masalmo 52:3

U dhunda wubihi kupinda wunene, u dhunda makuhu kupinda ditshuri.

Masalmo 38:12

Avale va lavako ku ni daya va ni riyete; avale va ni navelelako kubiha va ni ruketela; sotshe sikhati va maha sikungo so kanganyisa.

Jobe 15:16

Ti mahisa kutxani taku m'thu e ti nyenyezisa ni kuva ni manyala, e sela wubihi ku nga mati kani?

Esteri 6:4

Sekoko mfumeli a to khene: I mani a kuho muhubheni kani? Se Hamani a ti wulete ka muhubhe wa hahanze wa mfumeli, kasi ku ta gela mfumeli mhaka ya kutxikita Mordhekayi ka phande yile a nga ti yi lulamisile.

Esteri 5:14

Sekoko msikati wakwe Zeresi ni votshe vangana vakwe va to kha vona kwakwe: Ku na kelelwe phande ya kulapha ka mtxhanu wa magumi a mikono, se mangwana na gela mfumeli taku Mordhekayi e txikitwa ka yona, sekoko u wulela u di tsakile ni mfumeli ka m'buso wa hombe. Se txikungo etxo txi wonekile i di txatxinene ka Hamani, a to rumisa ti to yi kelelwa phande.

1 Samuwele 19:11

Kambe Sawule a to rumela mitumi yi ya m'tini ka Dhavhidha ya kuya mwonelela, ni ku m'daya ni mixo; e yo Mikali msikati wakwe, a to zivisa Dhavhidha, a txi khene: Ngako u si hulukisi wutomi wako wusiku wuwa, mangwana va nata kudaya.

Mavingu 24:2

nguko timbilu tawe ti alakanyela wubihi, ni sisofu sawe si womba-womba kubiha.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”