Masalmo 36:3 - Bhiblia Yo Sawuleka

³ Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Masalmo 36:3 Referans Kwoze

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Vahebheru 10:39

Athu kha hi nga vathu va va tshumelelako msana, veya kulovani. Hi vathu va likholo, kasi ku hi txi hanyisa mimoya yathu.

Matewu 22:35

se mmweyo wa vona, i nga ti txizivi txa mlayo, a to mu duka ngu txiwotiso a txi khene:

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Masalmo 140:3

Va lotile tidimi nga minyoka; wuxungu wo nga wa timamba wu hahatshi ka sisofu sawe.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 94:8

Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Masalmo 58:3

Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.

Masalmo 5:9

Sisofuni kwawe kha ku na ditshuri; timbilu tawe ti tate ngu wubihi. Mkolo wawe diyiva do asama, lidimi lawe li yisa kufani.

1 Samuwele 26:21

Sekoko Sawule a to khene: Ni onhile! Wuya, mwanangu Dhavhidha! Nguko kha ni na mbi kumaha to biha, nguko nyamsi u woni lisima la wutomi wangu masoni kwako. Wona taku, ni mahile wuphukuphuku, ni onhile ngutu ta tinene.

1 Samuwele 18:21

Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.

1 Samuwele 16:14

Se Moya wa Mkoma wu to khukha ka Sawule e sala a txi xaniswa ngu moya wo biha, wutako ngu ka Mkoma.

1 Samuwele 15:26

Kambe Samuwele a to khene ka Sawule: Kha ni na mbi tshumela ni nawe; nga kule u nga lamba dipswi da Mkoma, nene Mkoma a ku lambile, kasiku u si mahi mfumeli txitimwi ka Israyeli.

2 Samuwele 22:22

Nguko ni xayisile tinzila ta Mkoma, kambe kha na hambuka ka Txizimu txangu.

2 Makronika 20:32

A to tsimbila ngu tinzila ta tate wakwe Asa, asi phawuki ka tona, a to maha tile i ngadi ta tinene masoni ka Mkoma.

Mavingu 4:16

Kha va oteli va si se maha to biha, se wukohe wa va tutuma, ngako va si se wisa m'thu.

Hoseya 8:3

Israyeli a lambile wunene; mlala a na mtutumisa.

Luka 11:25

Se ngako wu txi hoka kona, wu yi mana yi di hiyetwe, na kambe yi di longisilwe.