Masalmo 36:12 - Bhiblia Yo Sawuleka

¹² Ndiva vabihi va wite hahatshi, va wite, kha va na mbiswa ve wuka.

Masalmo 36:12 Referans Kwoze

Masalmo 1:5

Ngu kumaha keto, vabihi kha va na mbi sikota kuhuluka, ka ditshiku da kulamulwa, ni vaonhi, kha va na mbi amukelwa msengeletanoni ka valulami.

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Jeremiya 51:64

Se u na khawe: A na bhwabhwamelisa tona tiya Bhabhilona, kha na mbi deluka, ngu mhaka ya wubihi wule ni no wu tisa txitimwi kwakwe, se vona va na karala. Mapswi a Jeremiya ma ema hawa.

Masalmo 140:10

Makala a mndilo ma nawe txitimwi kwawe, va na rinzwe mndiloni, ka maphalani o tshima, kasi ku va siswi ve wuka kambe.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Masalmo 18:38

Ni va wilete; aniko kha va wuka. Va wite hahatshi ka mikondo yangu.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

Valamuli 5:31

Valala vako va na fuvise tona eto, awe Mkoma! Aniko, avale va kurandako, va na fanane ni ditambo, ngako di txi sisimuka ngu wotshe mtamo wa dona.” Se ditiko di to dikha, amu ka mune wa magumi a malembe.