Masalmo 36:11 - Bhiblia Yo Sawuleka

¹¹ U nga leke avale va ti kulisako va txi ni kandetela, mwendo sigevenga si txi ni tutumisa.

Masalmo 36:11 Referans Kwoze

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

Masalmo 119:122

Thembisa ti to u na ni vhuna ani txithumi txako; u nga leke vathu vo ti kulisa va txi ni xanisa.

Masalmo 119:85

Va kutiguleta, avale va si khataliko ngu milayo yako, va kete maphala masoni kwangu.

Masalmo 119:69

Vathu vo ti kulisa va luka makuhu ve ni lumbeta; aniko ani ni na vekisa sileleto sako ngu yotshe mbilu yangu.

Masalmo 119:51

Vathu vo ti guleta va ni poyilete ngutu; hambi keto kha na hambuka ka mlayo wako.

Masalmo 10:2

Kutikulisani kwawe, vabihi va xanisa sisiwana; va na bzwetwe ngu milawu yi va nga riya.

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Masalmo 62:6

Txizimu ngu txona dwe i ku dirigwi dangu ni m'hanyisi wangu; ngu txona i ku m'vhikeli wangu; kha ni na mbi dekadekiswa.