Masalmo 36:1 - Bhiblia Yo Sawuleka

¹ Txionho txa womba-womba mbiluni ka m'thu wo biha. Kwakwe kha ku nga ho kuthava Txizimu.

Masalmo 36:1 Referans Kwoze

Varoma 3:18

Kha ku nga ni kuthava Txizimu masoni kwawe!”

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Masalmo 18:1

Ni na kuranda ngu mbilu yangu, Mkoma, Awe u mtamo wangu.

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

2 Pedro 1:1

Ani Simoni Pedro, txithumi ni mpostoli wa Jesu Kristu, ni bhalela vale va nga amukela likholo la lisima kufana ni lathu, ngu kululama ka Txizimu, ni Muhanyisi wathu Jesu Kristu.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

2 Timoti 2:24

Kasi awu i ku txithumi txa Mkoma kha faneli kulwa mazunga. A fanete kuhanya ngu kuthutha ni votshe vathu, a txi ziva kugondisa, a txi honisela amu ka sixaniso.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Mavingu 20:11

Hambi mwanana a zivaneka ngu mithumo yakwe, ngako mithumo yakwe i ti ya yinene ni kululama.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Masalmo 143:12

Fuvisa valala vangu, ngu mhaka ya wumbilu wako; kambe va khundumuse votshe vale va xomulako m'hefemulo wangu, nguko ani ni txithumi txako.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Masalmo 90:1

Mkoma, awe u wuthavelo wathu ka liveleko ni liveleko.

Dhewuteronome 34:5

Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Genesisi 20:11

Abrahamu a xamute a txi khene: “Ani ni to pimisa nokha, ni txi khani: Ka wukhalo wuwa ku nava ku si nga ho ni wammweyo a thavako Txizimu, se va na ni daya ngu mhaka ya msikati wangu.

1 Samuwele 18:22

Se Sawule a to ninga sileleto ka sithumi sakwe, a txi khene: Wombawombani ni Dhavhidha ngu txihunja, mi txi khanu: Wona taku, mfumeli wa kutsakela ngutu, ni sotshe sithumi sakwe sa kuranda; konkuwa koko, tumela kumaha mwane wa mfumeli.